Atu-ah Cun Hnangamnak (Falam Pathian Thangṭhat Hla)

Key: G
Phuah: Lal Eng Lian

V1
Atu-ah cun hnangamnak ka nei zo,
Sum le pai hlawnthil tampi neitu ih;
An neih mi lungawinak hnakih sangsawn,
I pek hi maw Bawipa ka lung a awi...

Cho
Hla-in ka thangṭhat, thu-in ka phuang ding,
Bawipai' pekmi hnangamnak ro sunglawi;
Nitinin a nuam Bawipa thawi um hi cu,
Thlawsuah cotu ka si Halelujah...

V2
Bawipa Jesuh ka neih ngah hnu hi cun,
Ka hmailamih harsatnak thleng ding khal;
Ka ṭih nawnlo hnangam te-in ka um,
A nuam tuk e Jesuh thawi um hi cu...

V3
Jesuh neitu a siraw an umlo,
Famkimlonak leitlun hmanah a nuam;
Famkimnak hmun van khua kan thlen tikah,
Ziangtluk in a nuam ding sim thiam si lo...