Tangka Sum Le Pai A Ṭullomi (Falam Pathian Thangṭhat Hla)

Key: D
Phuah: Ro Nei Pum

V1:
Tangka sum le pai a ṭullomi,
Kan neih thei mi Bawi Khrih cu;
Kan taksa le thlarau hrang damnak a si,
Aman ṭullo ih kanneih theimi nang le kei ruuntu Bawi cu;
Maw u le nau tui caanah neih tum thlang aw...

Cho:
Lennak le ṭhatnak aiih a sunglawi bik Bawi Khrih cu,
A neitu hmuah a sirawsal an umlo;
Sun le zatlaknak a umlomi,
Nang le kei ruuntu bawi cu;
Kumkhua hlawnthil ro ṭha bik a si...

V2:
Leitlun mi lian le mi ṭha khal cun,
Ruundamtu an neih lo ah cun;
Lennak le ṭhatnak ah hnangamnak a umlo,
Thihnak caan a thlen tikah lennakin a luatthei lo;
Bawi Khrih neih cu lennak hnakin a sunglawi...

V3:
Maw u le nau atu caanah,
Na thinlung sung takin ruat aw;
Tikcu le caanin nang le kei in hngak lo,
Lehhnu na ti sinah cun lehhnuin caan a neilo;
Zamrangin pan aw caan ṭha na neih lai ah...

Read More

Bawipa Thu Ron Uh Si (Falam Pathian Thangṭhat Hla)

Key: E
Phuah: Thang Nuam

V1:
Bawipa thu ron uhsi kan ram remṭhatsal ding,
Bawipa thu ron duh lo tlaksiatnak hrampi;
Zumtu dungtawlh kan tam kan Pathian phatsan in,
Bumawknak lawngin a khat zo kan ram nun dan...

Cho:
Bawipai' hnenah au uhsi kan ram remṭhatsal ding,
Nunnak pulpit kai uhsi Bawipa thu rawn phahin;
Kan nun Pathian hmaiah thup lo in pharh uhsi,
Kan lam ṭangtu Pathian cangvai thlangseh...

V2:
Vaca le thuro hmanin kir tikcu an thei,
Peleng, ngathur khalin kirsal caan an thiam;
Sihmanseh ka minung ka duhdawt mi pawlin,
Ka thupekmi sungah kirsal ding an thiamlo...

V3:
Kan Bawipa Jesuh in thlarau le thutakin,
Pathian be uh a ti zumtui' nunnakah;
Bawipa thu ronsal uh zumtui ke kar dan ding,
A nung Pathian kan nunnakah cangvai thlangseh...

V4:
Filistin ral do dingin David siangpahrang cu,
Pathian thu ron hmaisa a fial bangin a tuah;
Thingkung parah Pathian ke feh awn thawm a thei,
Filistin ral nehtu kan Pathian a hmaiah ding...

Read More

Pathianin A Sal Joshua (Falam Pathian Thangṭhat Hla)

Key: E
Phuah: Ṭha Nei Fai

V1:
Pathian in a sal Joshua hnenah,
Ram lak ding a tampi lai a ti;
Rongbawltu hi cawl le,
Daithlang man kan si lo;
Atu hi ram thar lak caan a si...

Cho:
Bu phah cing le ṭap phah cingin,
Feh suak uhsi riahbuk lenglamah;
Kan Bawipai' tuarnak le,
Zonzaihnak ṭawmpi in;
Har hmanseh lungawiten kan feh ding...

V2:
Fimnak le cahnak neilo hman nung,
Rinnak kan nei kan mualpho lo ding;
Mitthli thawi thlaici vorh caan atu hi a si,
Lungawinak fangtel thawn kan tlung ding...

V3:
Rongbawl dingin Thlarau kan nei si,
Ramthim ramro ti engtu ding le;
Bawipai' ram din dingah vanlam cahnak kan nei,
Feh uhsi Kan Bawipa’n hmai in hruai...

V4:
Cawimawinak le lawmman kan thlir lo,
A hmin ruangih tuarnak kan hril sawn;
Van kan thlen tikah kan lawmman tam sin dingin,
Lei ah retheinak tinkim kan tuar...

Read More

Zumtu Kan Nun (Falam Pathian Thangṭhat Hla)

Key: D
Phuah: Lal Eng Lian
V1:
Zumtu kan nun cu ral do nun a si,
Hmuh theilo setan ral hi kan do;
Ralring ten um uh, kan ralpa setan cu,
Eiding mi hawlin sun le zan a tawi e...

Cho:
Ninu Gidion khaw tlunah ding hrih aw,
Thlapa Aijalon ruam tlunah ding hrih aw;
Kan ral pawl hmai-ih nehnak kan puan hlan cu,
Kan hmai in hruai law na falen kan lo au...

V2:
Setan hnaṭuan cu sunglamin a ṭuan,
Pathian ralthuam famkim thawn do uh;
Minung tisa-ih thu ruah mi pawl hmangin,
Zumtu kan nun siatsuahnak ding a hawl e...

V3:
Zumtu kan nunih setan hnaṭuan hi,
Midang mawhthluknakah hmang hlah uh;
Setan hnaṭuan ti thei in do tlang uhsi.
Nehtu kan si ding, nehnak thawn kan tlung ding...

Read More

Hi Leitlun Cu Kan Khual Tlawnnak (Falam Pathian Thangṭhat Hla)

Key: C
Phuah: Lal Eng Lian

V1:
Hi leitlun cu kan khual tlawnnak ram a si,
Kum hlun dingmi leitlunah an umlo;
An hlo ṭheh ding kan hmuhthei thil hmuah in...

Cho:
Na catuan inn unau na thei fiang maw?
Ni khatkhat cu na nunnak a cem ding,
Atu hi na hrangah caan ṭha a si;
Na Pathian tong dingin na ralring maw..?

V2:
Minung hrang veikhat thi ding remruat a si,
Cu mi hnu ah thuṭhennak a um ding;
Na Pathian tong dingin na man zo maw...

V3:
Pangpar bangin kan nunnak hi an ziam ding,
Unau na nunnak kha a thlangam maw?
Ruat fiang thlangaw caantha na neih lai ah...

V4:
Kan umnak leilungpi hi a hlo leh ding,
Cutikcu ah khui ah nang na um ding?
Na nunnak humhim in atu zaam aw...

Read More

Maw Rualduh U Le Nau (Falam Pathian Thangṭhat Hla)

Key: D
Phuah: Lal Eng Lian

V1:
Maw rualduh u le nau kan ram le kan hnam hi,
Tlangsang parin cuan hman, sualnak phunkim a khat,
Ruundamtu theilo in nomnak phunkim an tuah;
Leitlun caan cemnak ding hi an theilo...

Cho:
Fang at ding an thar zo, nang itthat, tu tho aw,
Bawipai' lo sungah ṭuantu an umlo;
Siarcawklo mi tampi thihnak thlanmual an liam,
Fang thar attu ding khui ah nang na um...

V2:
Jesu Khrih neitu pawl daithlangin um hlah uh,
Kan Bawipa Jesuh in hi ti in thu a sim;
Nannih in fang atnak thla li a duh nan ti,
Thlirin cuan uh fang at ding an thar zo...

V3:
Bawi Jesu’n an hnenah hitin thu a sim,
I fialtui duhzawng le a hnaṭuan theh ding hi;
Ka rawl a si a ti, Bawipai' hnaṭuan dingah,
Leng le val rualtla atu tho uhsi...

V4:
Bawipai' hnaṭuan dingah nang ziang in a lo dawn,
Inn leh lo nu le pa ka hmin ih tantu cu;
A let a za malsawmnak an hmu ding a ti,
Feh uhsi ruundamnak thu phuang dingah...

Read More

Hi Leitlun Na Nunnak (Falam Pathian Thangṭhat Hla)

Key: D
Phuah: Cung Lian Ring

V1:
Hi leitlun na nunnak hi zanmang bang a hlo leh ding,
A rei hlanah thimnak in a khuh theh ding;
Hi leitlun na nun sungih na thuahmi le na ṭuanmi,
Na fehpi ngam maw ruuntu Bawipai' hnenah...

Cho:
Na sual sirin ra kirsal aw,
A caan saupi a um lai ti’n ruat nawn hlah;
A caan cu na duh bang le na ruah bang a umloding,
A caan kim cun maw! van law na tileh ding...

V2:
Ruuntu Bawipai' duhdawtnak theilo in caan sau na liam,
Sual thim sungah caan saupi vakvai hmanla;
Sualsirnak thawn a hnenih na thilrit na thumah cun,
Kumkhaw nunnak cu na hrangah a siding...

V3:
Hi leitlun sunlawinak cu pangpar bang a ziamleh ding,
Ralring lo le daithlangin va um nawn hlah;
Na ralrin lo lai caanih Bawi Jesuh a ṭumah cun,
Thinphang mangbang vansangin na um leh ding...

Read More

Semnak Kan Ram Le Kan Miphun (Falam Pathian Thangṭhat Hla)

Key: D
Phuah: Ṭha Nei Fai

V1:
Semnak kan ram le kan miphun,
In duhdawttu kan cung Mang Bawi;
Kan ramin nangmah a lo ṭul,
Na ruundamnak co ngah lo in;
Mi thawng tampi nitin an liam,
Kan ngai thiamlo Bawipa kan ngaithiamlo...

Cho:
In hangphawk lehsalaw Thlarau Thianghlim,
Ka nun in nangmah lawng a lo ngai;
Elijah au in van ruahti a sur bangin,
Kan ram khalah ringtu au uh,
Thlarau ruahsur veseh...

V2:
Ṭhal caan cemin nipi an liam,
Ruundamin kan um hrih si lo;
Mifim an thi mi lian an ral,
Tui niah Thlarau Thianghlim aw;
Nan theihah cun nan lung hak hlah uh,
Zangfahnak ni sunglawi a liam cing ding...

V3:
Ruundamnak Thuthangṭha sunglawi,
Sim le rel ziang siar lotu cu;
Pathian thinhengnak an tong ding,
Mi hmuahhmuah ruundam ngah ding le;
Thutak theih ding Bawpa’n a duh,
Sawmnak ngai in atu ra kir thlang aw...

Read More

Jesuh Ringtu Zongza (Falam Pathian Thangṭhat Hla)

Heb.11:32-38
Key A

V1:
Jesuh ringtu zongza pawl tla, feh tlang uh si,
Jesuh nehnak ringin leitlun ahhin;
Kan neh hrim ding ngai thiamnak Kros hmangin,
Hmanseh relsiatnak cu kan tuar hrim ding...

Cho:
Hmuh suamnak le harnak tinkim,
Relsiatnak le tuarnak men cu;
Ringtui' hrangah a nep em mai,
Kan tuar ding hrimhrim a rak si...

V2:
Ringtu hmasa feh liam pawl kha vun ruatsal in,
Hmuhsuamnak le harnak tuarhnu pawl cun;
An tuar thluh zo Jesuh hrang an tuarnak,
Jesuh hrangah an nun an hmang thluh zo...

V3:
Lungawinak hlirah ruat uhsi relsiatnak cu,
Kan sinak in sim fiangtu sawn an si;
In duh dawttu Bawi Jesuh lawng zoh in,
Fehsin uh si leitlun neh cia ah hin...

Read More

Leitlun Ram Hmuah (Falam Pathian Thangṭhat Hla)

Matt. 9:37
Key: G

V1:
Leitlun ram hmuah hi ka hei cuan ih,
Zirh ternak diklo thli pi a leng;
Miphun za tinkim a fang suak zo ee,
Thlarausal tampi an liamsin ee...

Cho:
Aw khui ah maw, aw khui ah maw?
Bawipai' hmuan ih hnaṭuantu ding pawl;
Fang an thar zo ih, an hmin ṭheh zo ee,
Khui ah so maw nan um hi...

V2:
Zo so ka thlah ding tu caan ahhin,
Ka tlen cia tuu hlo pawl hruai dingin;
Hruai tu an umlo, fehnak theilo in,
Nitin thawng tampi an liamsin ee...

V3:
Thlarau hloral ding ka hun thlir ih,
Kumkhua nunnak lamtluan feh duh pawl,
Kumkhua ih hloral ding mi an tam ee,
Hruai suak dingin kei ka fehsin ding...

V4:
Bawipa i hmang aw ka fehsin ding,
Harsatnak in i kulh veel hmanseh,
Thlarau Thianghlim in in run hruai sin aw,
Na hrang ka ṭuan sin ding ka Bawi Jesuh...

Read More

Vancung Lamzin (Falam Pathian Thangṭhat Hla)

Key: D
Phuah: Lal Biak Eng

V1:
Vancung lamzinih ka feh lai ah,
Mangbang le vansang au aw ka thei ee;
Setan ṭemṭawnnak thawngsung in,
In ruunsuak zang uh, tiin an au...

Cho:
Mi tampi an hlohral hlanah ṭuan uh,
An nunnak par bang a ziam ee;
Bawi Jesu’n ruunsuak zang uh in ti,
Daite in na tomen thei ding maw...

V2:
Leitlunah sualnak a tam sinsin,
Setanih kutsung thlengtu an tam si;
Hei cuan law, an mangbangzia khi,
Ruunsuaktu an hngak, run zang uh si...

V3:
Mi piangthar ṭhate'n vunruat hnik aw,
Mi zokhal thlei dan neilo Pathian cun;
Miṭha ruun dingin ka ra lo,
Misual ruun dinginka ra, a ti...

Read More

Kan Bawipai' Ṭum Caan A Nai (Falam Pathian Thangṭhat Hla)

Key: D
Phuah: Lal Eng Lian

V1:
Kan Bawipai' tum caan a nai, leitlunah sualnak a pung,
Zumtu dungtawlh nitinin kan tam sinsin;
Kan Bawipai ninghannak aw zumtu pawlngai cio hmanuh,
Ka fa na lamzin zawhmi zohsal hnik aw...

Cho:
Kan sualnak hmuahhmuah phuang in,
Bawipai' hnenah kir uhsi;
Thinsau in in hngaktu ah Bawi Jesu in,
Kan hrang ṭha le mawi ih lang;
Setan bumnak sung ih sin,
Kan lamzin zohsalin tu ah kir uh si...

V2:
Bawi Jesui’ duhdan hi cu leitlun ziamral mai dingah;
Buai ih kan caan ṭha kan hmangral ding hi cu;
In sianglo kan hrang ṭha sawn, siattheilo vanram ah khin;
Kan ro khawl ding hrangah hin buai uh in ti...

V3:
Pathian fa pawl kan nun dan ṭhate in vunruat hmanuh,
Thlacam paihlo, Bible siar paihlo kan tam;
Tisa nomnak lawng ruatin kan caan kan liamter hi cu,
Bawipa’n in sianglo na lamzin zohsal aw...

V4:
A rei hlanah suum parin mi piangthar in lawr dingin,
Kan Bawi Jesuh a ṭum ding, a rei lo ding;
Kan um dan fel lo hmuah le, kan thinlung ruahsualnak cu,
Tan in thianhlimnak lamzin ah feh uh si.

Read More

Kan No Lai Caanṭha (Falam Pathian Thangṭhat Hla)

Key: D
Phuah: Ca Hmung

V1:
Kan no lai caan ṭha cu par bangin a ziam ṭheu,
Lak kirsal theihseh hlan ih kan caan;
Ruundamtu theilo hnenah au pi dingin kan caan ṭha,
An liam zo si maw Bawipa in ngaithiam aw...

Cho:
Na no laiah a lo tuahtu thei aw,
Na caan ṭha hmuah Lot bangin na hloh pang ding;
Ringzeti'n au vin an sualnak theihter aw,
Mumek aw bangin au aw na cahlai ah...

V2:
Kan pi le pu pawl cu, ruundamtu theilo in,
An nunnak cemin thlanmual an liam;
Kirsal thei mi si haiseh Ruunnak thu simsal ka duh,
Caan in mi a hngak si lo maw a poi e...

V3:
Felnakih mi tampi a hruai kirsaltu cu,
Vanih arsi bang tlaitluanin an tleu ding;
Ngaihnikuh ka ra cing ding mikip ṭuan man pe dingin,
Kei Alpha le Omega cu ka si e...

Read More

Hi Kan Leilungpi Ah (Falam Pathian Thangṭhat Hla)

Key: E

V1:
Hi kan leilungpi-ah Bawipai' ram dinthar ding,
Ruundamnak cotu kan zaten;
Ṭuanvo tumpi kan nei fehin va phuang ding le,
Kan neih sum leh pai thawn Bawipa ram din dingah...

Cho:
Ruunnak thu aupi in, leitlun a khah hlan tiang,
Jesu’n in fial bangih hrelh lo in phuang uh si;
Leitlun khua zakipih sersiammi hmuah hnenah,
Bawipai' ratsal hlan tiang daithlang lawn ṭuan uhsi...

V2:
Ruundamnak sunglawi hi mi hmuah hrangah a si,
Hmanseh theilo mi an tam e;
Simtu an umlo cun ziangtinso an theih ding?
Fialtu an umlo cun hna zoso a feh ding..?

V3:
Bawipa ka phuang thiamlo na ruundamnak thu hi,
Na Thiang Thlarauin in hruai aw;
Bawipa na ram hrangah ka nunnak leh neihmi,
Hman tlak ding umsun cu Bawipa na ta siseh...

Read More

Damlai Ni A Liam Sin (Falam Pathian Thangṭhat Hla)

Efe. 5:14, Rom 13:11-12
Key: C

V1:
Damlai ni a liamsin, a nomnak hmuahhmuah thawn,
Fúnglo in Bawipai' hrang hna ṭuan thok a cu thlang;
Zángfahnak caan sunglawi a cem zik thlang fawn si,
Aw unau nang le kei Bawpa’n in hngak a si...

Cho:
Aw ka rual tho thlang aw, caan ṭha a liamsin e,
Kan cahnak, kan thiamnak Bawipan a hmang duh e;
Cahlai ni, ṭhat lai caan, Bawi Jesuh ta a si,
Lungrualte'n tho thlang uh si,
Bawipai' hrang ṭuan thlang uh si...

V2:
Bawipai' cahnak ring in sual doral lian hmanseh,
Kan fehsin ding, Bawipa'n in hruai dingin bawm ding;
Harnak poisalo in Bawipai' Kros pu uh si,
Damlai ni liam tiangin Bawipai' hrang rin um in...

V3:
Riahsiat buainak harnak le thlemnak lak khalah,
Khrih ih dungthlun dingin mino pawl kan poimawh;
Sual ral lian in, nitin in cimbuai ṭheu hmanseh,
In buai ter theilo ding Bawi Jesuh kan zoh cun.

Read More

Maw Unau Na Duhmi (Falam Pathian Thangṭhat Hla)

Joshua 24:15,16
Key: E

V1:
Maw unau na duhmi hril thlang aw,
Na Bawipai' hnaṭuan maw na hril deuh ding?
Hlan pipu Pathian hnaṭuan khaso na hril ding?
Tuisun ah na duh hril aw...

Cho:
Kumkhua hrang dingah kei cu,
Himi lawng ka hril thlang ding;
Kei le ka inn sungsang kan zate in,
Bawipai' hna lawng kan ṭuan camcin thlang ding...

V2:
Maw unau na duhmi hril thlang aw,
Ruuntu in a tu-ah a lo ko zo;
Na lung sungih ruahnak siava kha tanta in,
Bawipai' hna lawng ṭuan thlang aw...

V3:
Kan Bawipa Pathian cu tanta in,
Adang Pathian hna kan ṭuan nawnlo ding;
Amah hi a si, sualsal tannak sungih sin,
Lungawi te'n in suah ter tu...

Read More

Kei Ka Hrangah Nun Hi (Falam Pathian Thangṭhat Hla)

Phil. 1:21-22
Key: A

Cho:
Kei ka hrangah nun hi Bawi Khrih asi,
Thih khal hlawknak a si si ih;
Hmanseh tisa nun ka co sisehla,
Ziangso ka hril sawn ding ka thei thiamlo...

V1:
Khrih Jesuh ah palai dingin,
Bawipa’n in rak hril fawn si ih;
Na nunnak khal Bawipa ahcun,
Hlan in a um ve zo maw le..?

V2:
Bawipai' duhzawng tithei dingin,
Nangmah ah zianghman a umlo;
Kros thilti theinak cu hmangin,
Ti theilo zianghman a umlo...

V3:
Tisa thiltinak cu ringin,
Na feh vivo na tling si lo;
Na nun cu Bawi Khrih tello cun,
Tuahnak thi rongbawlnak a si...

Read More

Kan Ram Ka Ruahah (Falam Pathian Thangṭhat Hla)

Key: D
Phuah: Hrat Hmung

V1:
Kan ram ka ruahah riahsia in ka ṭap ṭheu,
Nitinten zianghman theilo in thlanmual an liam ding cu;
Ka nunnak in a tlin lo ziang ruah ding ka thiamlo,
Thlarau Thianghlim bomnak kan ṭul e nang tello cun...

Cho:
Ka nun khalah ka thih khalah, Bawipai' ta ka si ko,
Na duhnak a si ahcun an hrang raithawinak ah;
Ka thisen le ka pumsa pe ko-ning biakṭheng ah,
An luatnak a si ahcun ka lung a awi e...

V2:
Nitin ka ruat ṭheu ka sim ka sim ko nan,
Ka lungthin hin a ban lo maw an theithiam si lo ee;
Ka hmurka hi maw Bawipa na hmurka siter aw,
Ka kut hi thlarau kut siter aw an hrangahcun...

V3:
Bawipai' ram hrangah ka thih le thih ti in,
Nunnak pe in tampi an liam, thlarau hlo pawl hruaiin;
Pathian hnen an thukam bang an nunnak an pe zo,
A ṭul cun kan pe hrih ko ding maw, an thlarau hrang...

Read More

Thuthangṭha Phuang Dingin (Falam Pathian Thangṭhat Hla)

Key: D
Phuah: Lal Eng Lian

V1:
Thuthangṭha phuang dingin kawhnak aw a thang,
Fehlo ningna ka ti zawnah a ringtuk e;
Sung muril ah awi ka tuar theilo,
Feh ningla Bawipai' thu ruangah...

Cho:
Bu cingcing le ṭap cingcing in ka feh ding,
Ngaihdan le pomdan sahrang tam hmanseh;
Fehlo thei ka si nawnlo, phuanglo thei ka si nawnlo,
Phuang ningnaw ka thiam tawkte in...

V2:
Hei cuanning a langnak tlangsang parah,
Mero in a zel maw Tuu runrual tla;
Petu neilo tihal rilrawng au awthawng a thang,
Lungkuai in aimaw ti’n ka ṭap...

V3:
Mifim le remruat thiam pawl,
Mualphotertu dingah farah le mi aa hriltu Pathian;
Thiam thu in asilo, thiamlo thu in asilo,
Ti-nungtu Bawipai' thu sawnin...

Read More

Ka Nunih Khua Ka Ruah Ṭheumi (Falam Pathian Thangṭhat Hla)

Key: G
Phuah: Hrat Hmung

V1:
Ka nunih khua ka ruah ṭheumi cu,
Thlarau hlo pakhat tal hruailo in;
Bawipai' hmaiih din ding ka ruah ah kei ka ngam lo e,
Na ratsalnak ni a nai ka thei,
Kros parih na tlencia tuurun rual;
Lam pialih annun ka hmuh tikah kei ka daithlang Bawipa...

Cho:
Bawipa tu hin kei ka simsin ding,
Kei silo lungte men fial ding cu;
Fial hrimhrim hlah Bawipa ka um ko,
Jonah bang lam pial sual hmanningla,
Ka kir hnawhsal ding a thim ram cu,
Thlarau thiang in hruai aw...

V2:
Lei na ratnak ni a nai zo si,
Hmanseh na tlennak thutak thu hi;
An theithiam si lo leitlun parmawinak an tlan thluh si,
Cawrh hnahsawl bang an uai ding ruahah,
Ka ruat ngam hrimhrim lo ka pa,
Thlarau hlo pawl an nun hruai dingah;
Ka nun hmang law ka pa...

V3:
Jakop fale pawl Izip ramih,
Josef an va tonlai caanah khan,
Benjamin pakhat tello ruangah lungrawn an kirsal;
Cubangin kannih zumtu pawl tla,
Kan pai ruuninn mawi kan thlen tikah,
Thlarau hlo pakhat tal hruai lo in,
Pa kan tong ngam ding maw..?

Read More

Kan Nunnak Hi Pangpar Vek A Si (Falam Pathian Thangṭhat Hla)

Key: G
Phuah: Lal Eng Lian

V1:
Kan nunnak hi pangpar vek a si,
Reilote ih ziam ding mi;
Bawipai' ram kauhnak dingah,
Hmang thiamtu cu thlawsuah co mi an si...

Cho:
Mitthli tla cingih a tuhtu cun,
Lungawi le thanuam in an khawm ding;
Ṭap cingin fangci fehsuahpi hmanseh,
Lungawinak fangtél thawn an tlungsal ding...

V2:
Thlahtu umlawn simtu um ding maw,
Simlo in an thei ding maw;
Kan neih kan cahnak hmangin,
Thlarau hlo hawlin feh thlang uhsi...

V3:
Tikcu le caan a ṭhatlo ruangah,
Remcannak hi lei uhsi;
Ka thu simtu an umlo cun,
Tualih lungte khal ka auter ding...

Read More

Pupai Ro Khal Asilo (Falam Pathian Thangṭhat Hla)

Key: G
Phuah: Ṭha Nei Fai

V1:
Pupai' ro khal asilo hi lei ah umlo,
Bawipai' pekmi vanlam lungawinak;
A cotu in an thei fiang lawmnak thuthup cu,
Leitlun fimnak in a ruat banlo...

Cho:
Ka aupi sin ding hi thutak sunglawi,
Khawvel mi pawlin in theihpilo hmanseh;
Vanlam thusuak a si, mi tin hrangah damnak,
Thutak in lei le van luah khatseh...

V2:
In saktu pawlin an hnawl an duh lo lung kha,
Kan hrangah cun kannunnak lungpi;
Thlarau le taksa hrangah kan damnak a si,
Mithi khua khalin a neh theilo...

V3:
Thosal fate tu tho uh Eden khua a vang,
Pathian thuthup kilkhawitu kan si;
Kan kiangkap ih thlarau hlo Bawipai' hnen hruai uh,
Salem Lal in kan hmai in in hruai...

Read More

Bawi Jesuh Khrih Ih Nunnak (Falam Pathian Thangṭhat Hla)

Jer 48:10, II Sph 7:9
Key: A
Phuah: Lal Eng Lian

V1:
Bawi Jesuh Khrih ih nunnak neitu cu,
Palai kan si Bawi Jesuh Khrih ih fialmi;
Daithlang zetih Bawipai' hnaṭuantu cu,
Camsiatin umseh Bawipa’n a ti...

Cho:
Lehhnu ah kan ti cun a diklo ding,
Tui ni hi Thuthangṭha thlen ni a si;
Kannih hi daitei' umih khaw van kan hngah cun,
Hrem kan tuar ding lal sungkua sim uh...

V2:
Bawi Jesuh Khrih ruundamnak theilo in,
Kan u kan nau kan rualṭha an leng;
Catuan hlohralnak hremhmun lam panin,
An liamhlan ah ruun suak záng uh si...

V3:
A rei hlanah Bawi Jesuh a ṭum ding,
Caan saupi hman kan ṭuan man nawnlo ding;
Mai tisa duhnak menah buai lo in,
Hremhmun liam ding ruun suak zang uh si...

Read More

Thlarau Mit Mengin (Falam Pathian Thangṭhat Hla)

Key: E
Phuah: Ṭha Hlei Vang

V1:
Thlarau mit mengin khua hei cuan ve hman,
Hmuntin le ramtin ah ṭahnak aw a thang;
Ruuntu neilo in nitin an liam e,
Thuthangṭha phurin atu feh thlang uh...

Cho 1:
Hmuntin le ramtin ah, thlarau rilrawngin,
Kan ramah ra-in, in bawm uh ti’n;
Nang le kei vanram nunnak neitu-in,
Kan simlo cun maw hrem an tuar pang ding...

V2:
Kanmai nomnak menah maw Bawipa cu,
Kan ringih kan pom, unau ruat ve hman;
Theihlonak ruangih hremhmun lam pantu,
Na záng an fak maw, nun neilomi tla...

V3:
Mit-thlamin thlirin, hremhmun harnak khi,
Kum le caanin cem a nei ding si lo;
Kumkhua catuanin ṭahnak hmun meipi,
An hrang sual sirnak caan a liam zo si...

Cho 2:
Hremhmun lam pantu-in an hrang Ruuntu cu,
Thei sehla thangṭhat an banglo ding;
Nang le kei vanram nunnak neitu-in,
Kan simlo cun maw, hrem an tuar pang ding...

Read More

Thuthangṭha Sim Dingin (Falam Pathian Thangṭhat Hla)

Key: D
Phuah: Lal Eng Lian

V1:
Thuthangṭha sim dingin mi tampi cu an feh,
Ti duhdah harsatnak tinkim tuarin;
Maw unau nang le kei atu kan caan a si,
Daithlangin um men theih a si nawnlo...

Cho:
Tho uhsi, Bawi Khrih ralkap rual tla,
Bawipai' hrang ram lak ding a tampi lai;
Kan unau setan kut sung tang mi pawl,
Ruunsuak dingah hin ṭuanvo kan nei...

V2:
Ṭuanlo in um men ding tui caan hi a silo,
Caan le ti luangin mi a hngak si lo;
Kan nunnak men hi cu rei hlanah a cem ding,
Khrih hrang kan ṭuanmi cu a cemlo ding...

V3:
Nu le pa, u le nau, mai’ inn sungsang cio-in,
Ruundamnak thuthangṭha sim thok uhsi;
Mai sungsuak te le fa tello in vanram nuam,
Thlen ding cu ruahah hin a cang thiamlo...

V4:
Kan kiangah thlarau hlo runsuah ding an tam tuk,
Kan titheitawk cio-ah rinum te-in;
Simtu cun sim maiseh, thlacamtu’n taima-in,
Petu thawn kut kai-awin ṭuan uhsi...

Read More

Simlo In Ka Um Theilo (Falam Pathian Thangṭhat Hla)

Key: G
Phuah: Ṭha Nei Fai

V1:
Simlo in ka um theilo, rello in ka um theilo;
Thlarau Thianghlim hnaṭuan ka sungah;
Meisa bangin i kangih, daite'n ka umpi theilo,
Vanlam thuhmi Manna ka sar suak e...

Cho:
Eden sangka mawi an ong zo;
Hnamtin, ṭongtin kan zalen e;
Pathian pakhat, rinnak hmunkhat;
Baptisma pakhat cotu kan si...

V2:
Kan rawl tak cu Jesuh Khrih, a thisen le a taksa;
Ei le intu kan si thlarau rawl;
Jerusalem a ṭul lo, Kerizim kan ngai cuanglo;
Kan taksa ruangpi cu Pathian biakinn...

V3:
Kan lantak puai Tuufano, sual sungin kan zalennak;
Thihnak nehih thosal in hruaitu;
In hruai ding, in hruai sin ding a vorhlam a kut nemin,
Van Kanaan kan thleng ding, mi thiang lennak...

Read More

Maw Bawipa Kan Lo Ṭul (Falam Pathian Thangṭhat Hla)

Key: D
Phuah: Lal Eng Lian

V1:
Maw Bawipa, nang kan lo ul e,
Kan ram mipi in hruaitu-ah;
Zirhnak diklo le bumnakin,
Kan ram zumtu thinlung a luah khat thlang...

Cho:
Khua cuanin thlir uh zumtu pawl,
Lamzin hlun zirhnak dik thlunin;
Bawipai' ram hrangah ṭuan uhsi,
A thu cu Bawipa-in mal a sawm ṭheu...

V2:
Pathian thu cu meisa bang le,
Sobul vainam kaphnih hriam bang;
Ruh le thlik tiang a phel thluh thei,
Cui thutak hmangtu cun nehnak an co...

V3:
Na hmaiah thihnak le nunnak,
Malsawmnak le camsiatnak zin;
Ka ret ti in Bawipa’n in sim,
Lamzin hlun malsawmnak cu thlun uhsi...

Read More

Sual Thim Zing Sungih (Falam Pathian Thangṭhat Hla)

Key: G
Phuah: Far Men Par

V1:
Sual thimzing sungih ka vahvaih lai ah,
Bawipa cun nunnak tiangliamin in ruundam,
A duhdawtnak thuk zia zaihla ih phuang dingin,
San tlailo kei i hril Halelujah Amen...

Cho:
Bawipa ka thangṭhat ding ka nunnak a cem tiangin,
Ka aw neihsun in thangṭhat hla ka sak ding,
Bawipai' i pekmi ka aw neihsun hmuah hi,
Na duh bangin hmang ko aw ka lo hlan...

V2:
Khawvel hla phunkim saknak men ah cun,
Bawipai' pekmi ka aw hi ka hmang sianglo,
I lainattu Jesuh a duhdawtnak thuk zia,
Zaihla in ramtin ah thiam tawkin ka phuang ding...

V3:
Bawipa nang lo cun tuah thei ka neilo,
Nang cun ti theilo mi zianghman na neilo,
Ka thlen ban lo ram ih thlarau hlo pawl hnenah,
Ka aw zaihla hmangin thutak theihter hraam aw...

Read More

Kannih Cu Thlarau Thianghlim (Falam Pathian Thangṭhat Hla)

Key: E

V1:
Kannih cu Thlarau thianghlim ruangah,
Thil kan hmuh le kan theihmi hi;
Simlo in kan um theilo a si,
Leitlun mi-in theihpilo hmanseh...

Cho:
Khrihfa pawl tla hmai nor sinsin in,
Kan ke kan kar ding dungsiplo in;
Thim thuneihnak leitlun hmuahah hin,
A thil titheinak kan phuangsin ding...

V2:
Bawi Khrih thil titheinak phuannakah,
Setan rallian neh in a um;
Bawi Khrih thuneihnak lalnak kipah,
Leitlun mi an buai ṭheu mangbangin...

V3:
Hi thuthup Bawi Khrih ih um mi kha,
Mifim le hna vang pawl hnenah;
Kan Pathian in a phuang nawnlo ding,
Nauhak pawl hnenah a phuangsin ding...

Read More

Unau Na Caan Sunglawi (Falam Pathian Thangṭhat Hla)

Key: Db
Phuah: Khuang Lian Kap

V1:
Unau na caan sunglawi Bawipa in hman a duh,
Na thazang cahnak le na fimthiamnak pe-in;
Leitlun sunparnak hi thimin a khuh hlanah,
Muanglo in Bawipa cu pan thlang aw...

Cho:
Runnak thu hi zangfahnak caan a liam hlanah,
Na nun daan le na thlacamnak le;
Na neih thil peknakin phuang dingih fial na si,
Ṭih hlah, Amah in a lo hruai ding...

V2:
Bawipa-in a lo ko a hna ṭuantu dingah,
A ram le a felnak hawl hmaisa aw a ti;
Na inn lo ṭulnak cu Amai kutah pe-in;
A hna ṭuantu mualpho an umlo...

V3:
Thuthangṭha theitu-in an phuan duhlovah cun,
Lungte tal an au ding Bawipa Jesu’n a ti;
Lungte cu au hlahseh na tlen mi an si lo,
Kei ka um Bawipa ti ve mai aw...

Read More

Kan Khua Le Kan Ram Hi (Falam Pathian Thangṭhat Hla)

Key: B
Phuah: Lal Eng Lian

V1:
Kan khua le kan ram hi sualnak in a khat thlang,
Setan thawnginn sungah tampi an um;
Thlarau sal tang tampi ruunsuaktu an umlo,
Bawipai' hnaṭuan lo in daite'n na um ding maw..?

Cho:
Tho-in ding thlang uhsi caan ṭha kan neih laiah,
Relsiat kan si lonak dingin;
Bawipai' sunlawinak ah kan neih thazang suahin,
Kan ram siatbal hnu hi Bawipa thawn din uhsi...

V2:
Leng le val tla tho uh ṭuan caan kan neih lai ah,
Tum-aw-cop Bawipa in hmai in hruai ding;
Ṭihlo le phanglo in hmaiah nawr sin uh si,
Kan lam ṭang Bawipa in kan hmaiin in hruai ding...

V3:
Zumtu nang le kei hi Bawipa-in hman in duh,
Bawipai' hman thei dingin nun hlan a ṭul;
Bawipa-in hman theilo mi zokhal a neilo,
Minung hmang lo in Bawipai' kut cak a langlo...

V4:
Bawipai' thurin parah ṭhon lo in ding uhsi,
Bawipa-in ti theilomi a neilo;
Jesui' ratsal hlanah thlacamnak thawn ṭuan uh,
Kan ṭuan bangnak hmuah cu Bawipa’n in sam leh ding...

Read More

Hlanah An Zuar Josep (Falam Pathian Thangṭhat Hla)

Key: B
Phuah: Sang Tin Thang

V1:
Hlanah an zuar Josep a unau dang pawlin,
Iksiknak ruangah Izip ramah,
Paamnak ruangah Josep hnen an thlensal tikah,
Benzamin tello cun an tong theilo...

Cho:
Kan tong ngam ding maw? Ruuntu Bawi Jesuh,
Pate tello le nute tello cun;
Thlarau hlo pakhat tal hruailo cun,
Kan tongngam ding maw? Bawi Jesuh Khrih...

V2:
Duhdawtnak mit-in zoh hman na sungkua,
Thlarau hlo ding mi an um lai hi;
Na sung hnen talah phuang law ruundamnak hi,
Vanram thlen tum hlah nangmah lawngin...

V3:
Vun ruatsal hman maw na záng an faklo maw,
Josep in a unau a duhdawt bang;
Thlarau hlo ding le tihal rilrawng mi pawl,
Ruunsuak thei dingin ṭuan sin uhsi.

Read More

Maw Nang Itthat Atu Meng Aw (Falam Pathian Thangṭhat Hla)

Key: D
Phuah: Ren Hlei Thang

V1:
Maw nang itthat atu meng aw,
Mithi lakih ta thovin;
Hi leitlun thil um daan hi thlir thiamin,
Bawipai' hnaṭuan a tu thok thlang uhsi...

Cho:
Khrih ralkap, a tu tho thlang aw,
Pathian ralthuam famkim cu la-in;
Kan u kan nau nun neilo mi,
Nunnak lamzinih hruaitu kan si...

V2:
Tho-in eng aw na eng a thleng,
Thim in lei hi a khuh ding si;
Bawipai' rat caan zohman in kan theilo,
Hmanseh hminsinnak hmuah a kim ṭheh zo si...

V3:
Thim lal hnuaiah mi thawng tampi,
Hremhmun lam panin an liam zo;
Tu-ih a nung dam mi vialte tal hi,
Vanram nuam lamzin thu kan sim thlang ding...

V4:
Kan Lalpa hi a thutiam ah,
A muang ti in ruat hlah uh;
Zohman hloral lawn nunnak nei dingah,
Zangfahnak caan sunglawi in on hraam a si...

Read More

Damsung In Bawipai' Hna Ṭuan (Falam Pathian Thangṭhat Hla)

Key: C
Phuah: Lal Eng Lian

V1:
Dam sungin Bawipai' hna ṭuan dingin thu ka tiam,
Si hmanseh harnak le donak ka ton caanah;
Mangbangin thu tinkim ka ruah caan hi a tam...

Cho:
Maw Bawipa ka nunnak in hruai aw,
Keimah mai cun thlemnak lakah hin ka buai ṭheu;
Na aw nem ka theih cun buainak suum a kiangsal...

V2:
Thlarau hlo duhdawt i thu ka sim lai khalah,
Donak le sawiselnak aanka hi ka thei ṭheu;
Beidong in thu tinkim ka ruah caan hi a tam...

V3:
Gilead i thinghnai cu damnak a umlo maw,
Ka mi ka fanu pawl an dam theilo hi aw;
In dotu tam hmanseh mitthli thawn ka ṭuan ding...

Read More

Bawipai' Sawmnak (Falam Pathian Thangṭhat Hla)

Key: G
Phuah: Tawk Luai Piang

V1:
Bawipai' sawmnak ka el thei si lo,
Ka duhhrilnak Ama’n i nei zo si;
Ka taksa le ka nunnak ka caan khal,
Na duhnak hmunah hmang aw Bawipa...

Cho:
Lungawiin ka ṭuan ding hi hna hi,
Hna sunglawi bik um sun Bawipai' hna;
Leitlunmi pawlin an theithiam si lo,
Thlarau fimnak ka nei kei cun ka ṭuan ding...

V2:
Ka hmaiah zin sukso tam hmanseh,
Ka taksa cu bangin cau zet khal ning;
Ka lei taksa'n a tuarlai khalah,
Cahnak thuthup Bawipa'n in pe ṭheu...

V3:
Setanpa cun thlemnak phunkim thawn,
Nitin ka lamzin tluanah in thlem;
Mangbang thinpit ih ka um lai ah,
Pathian cun ka fa ṭih hlah in ti...

Read More

Bawipai' Ram Lak Tum In (Falam Pathian Thangṭhat Hla)

Rom. 1:16
Key: G

V1:
Bawipai' ram lak tumin leitlunah hin,
Kei ka fehsin ding ka phurrit thawn;
Ka phatsan dahlo ding ka Bawi Jesuh,
Sualnak doral tam hmanseh...

Cho:
(Gospel duhdawtin ka fehsin ding)2
Ka Bawi duhnung hminmawi hi ṭanin;
Ka phanglo hi leitlun ah...

V2:
A hnaṭuan pehsuak tu ding zo an um,
Kei hi in hril zo ka Bawi Jesu’n;
Lungawiin Bawipai' hna ka ṭuan thlang ding,
Thih thlengih rinum dingin...

V3:
Ka hmai ah hnaṭuan ding in tuahsak zo,
Gospel duhdawtnak ih hruai dingin;
Sualnak doralpi cu ka nor suak ding,
In hruainak ah ka feh ding...

V4:
Maw duhdawtnak maw duhdawtnak thu in,
In fialsuak hman law khui ram hmanah;
Hnangamnak umlo ram ṭihnung hmanah,
Ka fehsin ding thim hmanseh...

Read More

Kenesaret Tikam Ah (Falam Pathian Thangṭhat Hla)

Luke 5:1-10
Key: G

V1:
Kenesaret ti-kamah cun,
Bawipa in Simon thu a pe;
Bawipa zanvaarin kan vorh nan,
Pakhat te hman kan kai ngah lo...

Cho:
Tithuk lam pan in, ngate kai dingin,
Na suur kha hei vorh aw;
Ti thuk lampan in, ngate kai dingah,
Na suur vorh aw a ti...

V2:
Thu thlun in Simon Peter in,
A suur cu a hei vorhsal ih;
Bawipai' thil titheinak maksak,
An dong cawklo a luangliam ee...

V3:
Kannih khal Simon Peter bang,
Minung kai dingin in rak ko;
A thutiam a kim hlan tiangin,
A thu in suur vorh cio uh si...

V4:
Kan Bawipa ringngamtu pawl cun,
A thil tithei an phuangcawklo,
Kan theitawk hi suah cio uh si,
In hlawhtlin ter ding kan Bawip’n...

Read More

Bawipa Na Hnaṭuan Dingin (Falam Pathian Thangṭhat Hla)

II Tim.4:7-8
Key: E

V1:
Bawipa na hnaṭuan dingin kawh hi,
Thei in sual caklonak ṭemṭawn in;
Ṭih le khurin ruahsannak thawn,
Santlai lo le ten um bom ṭul;
Na cahnak rinsan in ka ra...

Cho:
Zo dang hrangah nung nawnlo in,
Nangmaih hna lawng ṭuanin;
Sankhuk kulhmi siat theilo cu,
Tuarnak ruangih ka ta simi;
Zám san ding hrim kasilo hi...

V2:
Nangmah thawn fehtlang daan in zirh aw,
Na thu siseh ka dam sung caan hi;
Kalvari duhdawtnak tlangmawi,
Lainat thukamin i thuam aw;
Kumkhua na hna ṭuan thei dingin...

V3:
Ka feh vivo ding nangmaih hminin,
Leitlun nehnak cu ka ta a si;
Hnaihnoknak le tisuar tlunah,
Humhimtu Bawi Jesuh ka nei;
Ata ka si kumkhua Bawipa...

V4:
Vancung sunlawi famkim hmun thlen cun,
Ava sunglawi em Bawi Khrih ruangah;
Zonzai mangbang neh tu’i caanvo,
Hleice thangṭhatnak Bawi lukhuh;

Thaw-ih kei ka din ve ding cu...

Read More

Fehsin Ding Ka Si (Falam Pathian Thangṭhat Hla)

II Kor. 4:10-12
Key: G

V1:
Fehsin ding ka si ih, ṭuan sin ding ka si ih,
Hmailam ah norsin in fehsin dingmi ka si,
Thuthangṭha va sim hman ning suan ding zianghman ka
neilo,
Ṭuan dingah Bawi Jesu’n ka hnenah i pe zo...

Cho:
Fehsin ding ka si, tleu sin ding ka si,
Sunglawi hleice ding ka si,
Bawipai' ruangah cun,
Buainak a umlo, mangbang a umlo,
Thinhar a umlo, Bawipai' ruangah cun...

V2:
Fehsuak theilo khal in nunnak sim kan leiba,
Hmailamih feh dingah Nunnak sim kan baak si:
Bawipai' nunnak neitu cun awl caan zianghman kan neilo
Bawipai' duhdawtnak cun, in fial hrimhrim a si...

V3:
Thi dingih kaih terin, kannih cu kan um si,
Nanmaih hnen lam ah cun nung dingin a ṭuan ṭheu;
Bawi Khrih hmel sunlawinak cu kan taksa thi thei ah hin,
A lang theinak dingin Bawipai' hrangah pe aw...

Read More

Hna Ṭuan Dingmi A Tam (Falam Pathian Thangṭhat Hla)

Lk. 10:2, Is. 6:8-9
Kay: A

V1:
Hnaṭuan dingmi a tam i, ṭuantu dingah mi an mal,
Kan Bawipai' fang attu dingah,
Fangcang an vui an cu thlangih,
Kumkhua thimnak sungah nitin in an liam...

Cho:
Maw nitin zantin an liamsin,
Ka duhnak cem thei hleilo,
Ka thisen sung a lakin luang hlah,
Ka runcia mi’n an simlo le vanmi tla ka fial ding...

V2:
Zoso hnaṭuan ka fial ding, ka hrangah zo a feh ding,
Ka thisen ih ka runcia mi,
Sual lakah nitin an liamsin,
Ka hnen thlengtu ding zo hman an um nawnlo...

V3:
Anmah ka duhdawt ruangah, ka ram sunglawi tanta in,
An hrang thinglamtahnak tuarin,
Harnak kip tuar in ka ruunnak,
Theilo in kumkhua thimnak in a zeel maw...

V4:
Hinahhin ka um Bawipa, naduh bangin i hmang aw,
Ka pumpuluk na ta siseh,
Na thla thiang in kumkhua’n i hruai,
Ka ṭuan ding Bawipa na ram ka thlen hlan tiang...

Read More

Semnak Kan Lairam (Falam Pathian Thangṭhat Hla)

Isai 62:6
Key: G

V1:
Semnak kan lairam hi,
Parṭha bangin par ve thlangseh;
Bawipai' sunlawinak cu,
Ni bang kan lairam ah tlangseh...

Cho:
Kan ṭuan ding kan ṭuan ding,
Bawipai' hrangah kan ṭuan ding;
Semnak kan lairam hi,
Bawipai' hmin in sáng sinseh;
Kan san vangro bangin ding thlangseh,
Kan zuam sin ding kan ram hrangah...

V2:
Ziang so kan sual Zingnu,
Vansang kan ṭah aihramnak hi;
In duhnak theilo in,
Nitin sualnak sungah kan pil...

V3:
Hi leitlun nomnak cu,
Ni khat khatah a cemleh ding;
Na cahnak rin san hlah,
Maw van law ti’n na auleh ding...

V4:
Kan sualnak hmuahhmuah cu,
Bawipa nang ma’i hnenah kan pek;
Kan sualnak ngaithiam in,
Cung hlum mang bawi nang lai rel aw...

Read More

Bawipai' Hrangah (Falam Pathian Thangṭhat Hla)

Mk. 8:34
Key: G

V1:
Bawipai' hrangah hna ṭuan dingin,
Unau nang ziang in a lo dawn;
Thisen tlen mi nang le kei hi,
Jesuh Kros ah kan khensal ding maw..?

Cho:
Kalvari Kros, aw ka damnak,
Ka Bawipa’n thihnak a neh zo;
Lungdaihnak umlo hi leitlun ah,
Kalvari Kros lawng ka damnak a si...

V2:
Leitlun ah mangbang riah sia in,
Nitin harnak in i naih sin;
Nomnak zianghman a um si lo,
Kalvari Kros lawng ka damnak a si...

V3:
Laksawng sunglawi nunnak pekmi,
Leitlun mi hmuah theih ve dingin;
Zangfahnak caan a liam hlan ah,
Than sin uh si kan Kros cu phur phah in...

Read More

Feh Uh Khrih Ih Nunthar Neitu (Falam Pathian Thangṭhat Hla)

Mk. 16:15
Key: F

V1:
Feh uh feh uh Khrih ih nunthar neitu pawl,
Sak le thlang leitlun hmun kipih thil nung hnenah;
Hih ram Thuthangṭha hi sim ṭheh ih a um hlan ahcun,
Banglo in ṭuan cio uh si, Bawipai' thu pek thlun in...

Cho:
Feh uh feh uh feh thlang uh,
Sak le thlang leitlun hmun kipih thil nung hnenah;
Hih ram Thuthangṭha hi sim ṭheh ih,
A um hlan ah cun, thupi bikah;
Neih uh si, Thuthangṭha zaiter hi...

V2:
Thi mai dingih an hruai pawl ruundam záng uh,
Ngaihnik hi cu ka theilo ti men na si ahcun;
Thinlung zohtu hmai ah ziangkim in a lang ṭheh a si,
Mi kip an thil ti vekih pek lehsal ding an si...

V3:
Misual pawl cu an sual hmuah bansan ding le,
Bawi Jesuh ruundamnak thu na simlo ahcun;
An bawhsiatnak hmun ih an hlohral a si men ah cun,
An thisen man cu na hnenah phutsal a si ding...

V4:
Tui caan hi ruundamnak thu thlen ni a si,
Kannih hi daite ih thianglawr kan hngah ah cun;
Hremnak kan tong leh ding mi zakip in sim zang uhsi,
A lakih kan hmuhmi a lakih pe ding kan si...

Read More

Pathian Duhmi Fa Ka Si (Falam Pathian Thangṭhat Hla)

Key: G
Phuah: Hrat Hmung

V1:
Pathian duhmi fa ka si hi ka nunnak in a thei fiang,
Ka parih Bawipa a ṭhat khal ka tep zo;
Hnangamnak le lungawinak kim in pekmi ti ka thei zo,
Ka hmurka in ka sim thiamlo a poituk ee ka Bawipa...

Cho:
Ka simlo leh ka phuan lo cun,
An theithiamlo rualṭha pawl in;
Ka simlo cun ziang tin so an theihthei ding,
An theihlo cun ziang ti in so Jesuh hmin cu;
An hlam ding, lei leh dangin tlin lo hmanseh,
Phuang ding ih fialmi ka si...

V2:
Pathian in Moses hna a fial Moses in Bawipa a el,
Mipi hnen thusim ka thiamlo i ngai thiam;
Lei leh dang khalin a tlin lo ṭongthiamlo ṭonghak ka si,
Sihmanseh phuangtu umlo cun ka phuangko ding ka Bawipa...

V3:
Sim leh phuan a thiammi pawl le mifim, mithiam, zirsang pawl,
Tu ah mi tampi an um kei ka tling lo;
Ṭongkam thiammi lakah ṭonghak, Mifim thiammi lakah miaa
Mi cakmi pawl lakah caklo a hriltu Bawipa na si...

Read More

Maw Jerusalem Fanu (Falam Pathian Thangṭhat Hla)

Key: F
Phuah: No Sum

V1:
Maw Jerusalem fanu,
Ka ngaizawng khi nan tonah cun;
Na zunin a uai ti-in biathu hlan uh...

Cho:
Keimah lo in a um thiamlo maw kan Pathian,
Keimah hawlin caw kuang tiangin a thleng maw,
Edenih nunnak hlo hnu kha,
In hmu leh zo Fapa Khrih ah...

V2:
Pathianih in duhdawtnak,
Hi lei thilah tahnak umlo;
Lei le van tong khalin an phuang cawk lo ve...

V3:
Duhdawtu Pathian thinlung,
Ziangtlukin ná in kuai hen maw;
A ṭha dang nei in tang dang kan lawisan cu...

V4:
Lei Edenah Pathian thawn,
Ṭhennak thu cu thang hmansehla;
Lungawinak thu a thang zo van Edenah...

Read More

Lei Malsawmnak (Falam Pathian Thangṭhat Hla)

Key: C
Phuah: Tawk Luai Piang

V1:
Lei malsawmnak hi cu tawpcin a nei,
Lungdaihnak le nomnak an tling tawk lo;
Neih duh sinsin diriam thei cuang si lo,
Zumtui buaipi tlak ding ziang an umlo...

Cho:
Khrih Jesuh lawng ka hna ngamnak a si,
Amah thawi um tlang lawng hi a nuam bik;
Neih tawkte ih lungawi in thiamtertu,
In ti caktu le nun in thiam tertu...

V2:
Ka thlir caanah lei mawinakin i zel,
Neih tawkte ih lungawi daan thiamlo in;
Ruatin ka buai ziam mai ding lei thil ah,
Beidong le thinpihnak men lawng an si...

V3:
Maw ka nunnak Bawipa lawng thangṭhat aw,
I ruuntu le i kilvengtu a si;
Lei mawinak le sunlawihnak hmuah hnak cun,
Ka Bawi Jesuh lawng a mawi bik ka hrang...

Read More

Bawipai' Duhdawtnak (Falam Pathian Thangṭ့hat Hla)

Key: C Phuah: Ro Par 1. Bawipai' duhdawtnak le a ṭhatzia hi, Kei misual hrangah hleice ka ti, A hnin dualdo ṭheu leimi duhdawtnak, Hmanseh ka pai' duhnak dang cuanglo... Cho: Damsung ka leiba Bawipa thangṭhat leh, Lungawi thu sim, hla thar mawi sak ih, Bawipa sunloih hi ka ti thei um sun, Lei dam sungah... V2 A fa tling lo kei duat le ngaihsak tu, Sualforhnak ruangah câu ṭheu hmanseh, A daan thu hmangin cahnak thar in pesal, Duhdawtnak ruangah a tlei theilo... V3: Ka lei hring nun hi famkimlo hmanseh, A hmel mawi langter tu a si si, A mah sunloih dingin ka hmakhua sial tu, Ziangkim ṭha bik ih remruattu Bawi...

Read More

Pathian Ih Duhdawt Nak (Falam Pathian Thangṭhat Hla)

Key: D
Phuah: Lal Eng Lian

V1:
Pathian ih duhdawtnak maksak le danglam zia,
Kannih innsungsang hi cun kan tep zo e;
A thlah kan siang nawnlo kan innsungsang lu bik,
Ah kan ret zo a mah in lam in hruai...

Cho:
A caanah hramhring nuam, a caanah ram carah,
In hruaidan theithiamlo in kan buai ṭheu;
Thinsau in lam in hruai kan hrang ṭhatnak hmunah,
Remruat thiamtu kan nei a thlah kan siang nawnlo...

V2:
Ei ding, in ding, sumpai kan neih lo tik khalah,
Milian, mi nei pawl hmangin in pe ṭheutu;
Elaija rawl petu Pathian kan lo neih hi,
A sunglawi e, kaa in sim ka thiamlo...

V3:
Kannih innsungsang cun Bawipa lawng kan rian ding,
Duhdawttui hrangih nun hi kan hril bik e;
Harnak kan tuar caanah in umpi kan hnenah,
A theih lo in harnak kan tuar dahlo...

Read More

Tuahmi Le Ṭhatnak Neilo (Falam Pathian Thangṭhat Hla)

Key: F Phuah: Ṭha Nei Fai 1. Tuahmi le ṭhatnak neilo, Duhdawttui duhdawtnak cun; Kan phu lo in ka fahniang ti’n in ko, Tufano nunnak cabu sungih ka hmin a ngan hnu; Amai nun ṭawmpi-in van khawmi kan si... Cho: Lawng colhnak hmun lei pialralah cun, Mi thianghlim pawl nuamin an leng deldel; Kan thlarau khal a leng ve, Paradise hmun nuamah cun; Lei-ah leng hmannung hi lei mi kan si lo... V2: Kan duh hrilmi lamzinah, Colh hahdamnak a umlo; Neihsin duhsin diriam ti a umlo, Vanrang hnuai leitlun thilah; Thlarau hrang ro ṭha umlo, Bawipai' hnenih suak mi thu lawng hnangamnak... V3: Thiltitheinak kan sungih, Cangvai ṭheutu van lam thil, Khawvel mi pawlin an theithiam ban lo; Kan tithei mi a umlo a mai cahnak lawng ringin, Nehnak puanvar kan zar ding hi leitlunah...

Read More

Riahsiatnak Ram (Falam Pathian Thangṭhat Hla)

Key: D

V1:
Riahsiatnak ram leitlunah hin,
Rethei zet le cauin ka rûm;
Thlangamnak le nomnak,
Hawlin ka vak hi leitlunah;
Bawmtu ding zohman an umlo...

Cho:
Jesuh ziangkim a si,
(Bawi Jesuh ka ziangkim,
Jesuh ziangkim a si)2

V2:
Harsatnak le buainak suumzing,
Natnak in i zel buai hmanseh;
Jesu’n in umpi ṭheu,
A hmelmawinak ni hnakih tleu cun
Nitin in i hruai camcin...

V3:
Jesuh neitu ka si hnu cun,
Taksa, thinlung le thlarau-ah;
Damnak kim cu in pe,
Thildang ziangkim khal a lakin,
Cotu neitu i si ter zo...

V4:
Jesu’i famkimnak cu kata,
Ka felnak le ka thianhlimnak’
Fimnak lungawi cahnak,
Thlangam nomnak duhnung nun tam,
Thlarau Thianghlim lamhruainak thawn...

Read More

Tiva Pakaht A Um (Falam Pathian Thangṭhat Hla)

Key: E
Phuah: Ṭha Nei Fai

V1:
Tiva pakhat a um, nunnak tinung,
Pathian khaw thianghlim Zion-ah a luang e;
Lei le van doral cang zohnu kha,
Remnak Jubilee puai in tuahsak;
Eden tharah in hruai khawm e...

Cho:
Halelujah thisen, thisen,
Kumkhaw daihin vanah in hlansak;
Kan hrang sual thawinak a ṭul nawnlo,
A ringtu hmuahin kan lengza e,
Thisen, thisen, thisen hlu tiin;
Kumkhua’n kan sak ding vaninn ah...

V2:
A tlen cia fa pawlin hla dawh kan nei,
Israel pawl sangka tlunih Tuu thisen;
Faraw-ih ralkap an pil hlo ih,
Tipisen khatlam ralah in hruai,
Zalen kan si, thisen zarah...

V3:
Kan Zion hlapi cu hi hi a si,
Thisen, thisen, thisen hlu ruuntui' thisen;
Kan ral setan cahnak a neh ih,
Zangfahnak tohkham hmaiah in hruai;
Sal luatnak darkhing an tum e...

Read More

Thiam Tawk Te-In (Falam Pathian Thangṭhat Hla)

Key: F

V1:
Thiam tawkte in ka ruah tikah,
Tlentu Bawipai' duhdawtnak le;
Ka hrang thinglamtah a tuarnak,
A mawiin ngai a nuam bang theilo...

Cho:
Simsal leh aw, in sim leh aw,
Jesu’n ka hrang a tuarnak kha;
Kalvari thu ka damnak kha,
Aw, ngai a nuam ka ti ning theilo...

V2:
Rankheng tlawm le thinglamtahnak,
A tuarnak kha kei mai’ ruangah;
A retheihnak ka ruah tikah,
Ka ngai ning theilo in sim leh aw...

V3:
Ruuntu Bawipa mitthli luangin,
Ka pa ngaithiam aw a ti kha;
A thlacamnak aw-mawi bik kha,
Ka lung sungah a caam ngai a nuam...

Read More

Maw Bawipa Thleidan Neilo (Falam Pathian Thangṭhat Hla)

Key: F
Phuah: Ca Hmung

V1:
Maw Bawipa thleidan neilo,
Kei misual duhdawttu cu;
Fimthiamnak neilo te khal duhdawttu,
Mifim pawl an au lo cun,
Lungte kei ka au sawn ding;
Thlarau fimnak-in in thuam hram aw...

Cho: Rosunglawi ka sar suak, cuai theilo mi,
Leitlun mi’n an theilo ro sunglawi;
Lei nomnak zu leh sual ih thi dingmi in ruunsuak ih,
Ka lungawi maw Bawipa Halelujah...

V2:
Lungawi ten ka feh lai ah,
Leitlunah au kirsal-aw;
Setan thawng innsung tangmi an tam si,
In ruun uh, in ruun zang uh;
Tiin an authawm ka thei,
Daite-in kan umsan thei ding maw..?

V3:
Kei lungmawl thiamnak neilo,
Na hnaṭuan dingin kawh hi;
Ka tling lo maw Bawipa kei ka tling lo,
Hmanseh infial mi hmuah cu;
Ka ṭuan ding lungawi te-in,
Thlarau Thianghlim-in mal in sawm aw.

Read More

Duhdawt Ruangah (Falam Pathian Thangṭhat Hla)

Key: D

V1:
Duhdawt ruangah van sunlawinak tanin,
Lei zanthimah harnak tinkim tuarin;
Thlan thiputin thla a cam hnemtu zohman umlo,
Hi tluk duhdawtnak sunglawi kei hrangah...

Cho:
Ka porh ding, ka porh camcin ding Jesuh cu,
Ka hrang a tuarnak man a sang tuk ee;
Rualduh le tla ruat uh, duhdawttu’i tuarnak hi,
Vanram nuam sangka mawi in on sak...

V2:
Ka tuar aiah harnak tinkim a tuar,
Ka luatnakahsal dinhmun in a ra;
Thiam ka co theinak dingah thiamlo coter a si,
Hi tluk duhdawtnak sunglawi kei hrangah...

V3:
Kumkhaw nunnak ka neih theinak dingah,
Thihnak tuarin nunnak sunglawi in pe;
Ka hrang puithiam hnaṭuanin Pai' hnenah in simsak,
Hi tluk duhdawtnak sunglawi kei hrangah...

Read More

Bawipai' Duhdawtnak Thuk Zia (Falam Pathian Thangṭhat Hla)

I Kor. 1:31: Zem 4:14-16
Key: F

V1:
Bawipai' duhdawtnak thuk zia,
Kauhzia le ropit zia hi,
Phuan cawk ding rual asi lo e dam sungah,
Na Thlarau hliam tuar le cau,
A lo tuamdamsak ṭheu hi,
Duhdawttu Lalpa fakin fehsinsin aw...

Cho:
Ka nun hliam tuamdamtu le,
Ka caan hmuahhmuah ti pung tu,
Ropitnak le cawimawinak a ta a si,
A hrangah ka thiamnak le,
Ka thiltitheinak pawl hi,
Famkim ni a um theilo catuan thleng in...

V2:
Na dam sung caan tawite hi,
Suum ral leh mai vek a si,
Cu cu theilo in na nunnak na hmang maw?
A lo theihternak ngai aw,
Na nunnnak a ral hlanah,
Catuan hlohralnak ramah na feh pang ding...

V3:
Sunlawinak le mawinak pawl,
Hlawn famkimih thuam aw in,
Uar awknak le hngal zetih na um lai ah,
Na thihnak ding hmabak cu,
Na mawinakah a ṭhum aw,
Na suan a si le Bawipa ah suang sawn aw...

Read More

Tilik A Rak Tlunglai Caan Ah (Falam Pathian Thangṭhat Hla)

Key: G
Phuiah: Ṭha Nei Fai

V1:
Tilik a rak tlun lai caan ah, Noa leh,
A innsungsang cu himten an um lawng sungah,
Bawipa a rinsantu pawl cu,
Zion tlang thiang bang hninlo in,
Buainak in acim banlo...

Cho:
Ṭoruah sur lo in mang ṭam tlung hmanseh,
Kan nu leh pa unau in in liam san hmanseh,
Immanuel Pathian kan hnenah a um ko,
~ihphan ding a um nawnlo.

V2:
Leitlun fimnak leh thiamnak in,
Pathian thuthup a thei ban lo,
Thlarau fimnak in a si,
Ngun, sui leh hi lei hlawn thilri inn ṭha lo ṭha
Neilo hman nung, Jesuh Khrih nei tu kan si.

V3:
Ni leh thla kum caan her liam in,
Fing leh tlang khal cim ṭheh hmanseh;
Thutak fa kan hninlo ding, Pathian kan lamah aṭang ih,
Kan ral hmai ah kan hna a ngam,
Bawipai' tuu run rual kan si.

Read More

Aiawhtu Bawi Jesuh (Falam Pathian Thangṭhat Hla)

Key: E

V1:
Aiawhtu Bawi Jesuh ruangah,
Misual camsiat tuar zo hnu;
Kros parih tlennakih ruangah,
Fa sinak kan co zo e...

Cho:
A va sunglawi em Jesui’
Duhdawtnak cem ni neilo;
Hloralnak ramih leng zo hnu,
Ruundamsal dingin nunnak in pek cu...

V2:
Aiawhtu Tuufano Jesuh,
Ka hrangah thi losehla;
Nang leh kei-ih co ve ding cu,
Catuan hremhmun a rak si...

V3:
Ka va ngaisang em Bawi Jesuh,
Ka hrangih nun petu cu;
Ziangha a hrang ka pek ve ding,
Duhdawttu Bawi Jesuh cu...

V4:
Na ti thei kem Bawipa’n a ti,
A hrang nun pe ve dingah;
Nitin mah ih Kros pu phahin,
In thlun aw Bawipa’n a ti...

Read More

Eden Tluk Siatnak (Falam Pathian Thangṭhat Hla)

I Pet. 2:24, I Thes. 5:23
Key: A

V1:
Eden tluk siatnak ruang ah maw,
Pathian doral kan si ṭheh zo;
Sual ruangah a dang ten kan um zovih,
Bawipa Pathian mit hmuh ahcun;
Se linglet ṭheh damnak umlo,
Sualih khat le ti dam ṭulmi kan si...

Cho:
Kalvari damnak, aw Kalvari damnak cu,
Aw mi tinkim, a duh mi hmuah hrang a si;
Lei le van pui thiam Bawi bik,
Bawi Khrih kil vennak ahcun;
Na natnak hmuah ti dam dingin pan zang aw...

V2:
Mit caw kebai zeng phar pawl tla,
Ramhuai phungzawl damlo zaten;
Lei minung thiamnak ih a banlo mi,
Fim thiamnak le rem ruat zirnak;
Hmang ih an mangbang hnu khalah,
Ti dam theilo a neilo, Bawi Jesuh...

V3:
Mi farah le milian pawl tla,
Miphun kip le a duh mi hmuah;
Bawi Jesuh tuar saknak zumtu pawl tla,
A lak in damnak kim an hmu;
A lak ih co tu tla an si,
Kan thinlung kan tak sa thlarau damnak...

V4:
Setan ti zonzaihnak le,
Ram huaisal tang i kan tannak
Bawi Jesu’n a neh zo, na dam ṭheh zo;
Kros thil ti theinak cu hmang in,
Na ral pa setan hnenah cun.
Nehnak thu phuang sawn aw, au sin aw...

Read More

Leitlun Mi'n Bawi Khrih An Mamawh (Falam Pathian Thangṭhat Hla)

John. 3:17
Key: G

V1:
Leitlun mi'n Bawi Khrih an mamawh zia,
Theilo in maw siar seen lo mi tla;
An leeng e sual thim zing hnuai ahhin,
Ruuntu Bawipa Jesuh an theilo...

Cho:
Leitlun min Bawi Khrih an mamawh ee,
Fang suak leh aw hih leitlun hi;
Leitlun sual tlentu na si zia,
Bawi Khrih nang man theih ter leh aw...

V2:
Leitlun min Bawi Khrih an mawh zia,
Sualnak phun kim in a khat thlangih;
Nomsak hawlnak le duhhamnak in,
A luah khat thlang maw hi leitlun hi...

V3:
Leitlun min Bawi Khrih an mamawh zia,
Ram hmuahhmuah hi run tleu ter dingah;
Leitlun min Bawi Khrih an mamawh ee,
Mi hmuahhmuah ruun him si thei dingah...

V4:
Kannih Kristian ti aw pawl lak ah,
Lam diklo thlun tu kan tam thlang si;
Leitlun parmawinak kan duh sawn si,
Leitlun tleu ter ding a va har em...

Read More

A Ruatcia Mipawl Cu A Ko (Falam Pathian Thangṭhat Hla)

Rom 8:29-39
Key E

V1:
A ruatcia mipawl cu a ko ih,
A kawh mipawl cu thiam a coter ih;
Thiam a coter mipawl hmuahhmuah cu,
A sun lawih vivo ding a si...

Cho:
Pathian ruatcia mi ka rak si,
Pathian kawhcia mi ka rak si;
Thiam i coter, i sun lawih zo,
Bawipa cu sunglawi bik koseh...

V2:
An ti sualnak pawl ngaidamsak mi,
An sualnak khuhhlosak ih ummi hmuah;
Ṭhatlonak nei ih a ruah lo cu,
Thlawsuah mi an si Bawi Khrih ah...

V3:
Bawi Jesuh duh dawtnak ih ta cu,
Zo in so maw ṭhen thei tu um ding;
Pathian cu ka lamih ṭang a si,
A va sunglawi em in tlennak...

Read More

Jerusalem Zion Khawpi (Falam Pathian Thangṭhat Hla)

Kal. 3:28-29
Key D

V1:
Jerusalem Zion khawpi cu thlir hnik uh,
Aw mi an tam tuufa no lal lennak hmun a umlo;
Aw riahsiat le lungawinak Kalvari,
Tlang a rung lang ee...

Cho:
Aw hnam zatin le, ci tin ṭong tin hi,
Van lal nau bang a ṭahnak Kalvari ah;
An dang cuang lo ee...

V2:
Jerusalem khawpi thar nuam cu thlir hnik uh,
Aw mi an tam tuufa no lal lennak hmunmawi ah cun;
Aw Kalvari ah Pathian duh dawtnak,
Dawn a va ṭul em...

V3:
Halelujah sim thiam ningla Halelujah,
Aw duh dawtnak dai cuang dahlo lawmnak, nunnak par
mawi;
Sim thiam um maw rel thiam um tak hmen maw,
A duh dawtnak hi...

Read More

Maw Zaangfah Tu Pathian In (Falam Pathian Thangṭhat Hla)

I Kor. 2:11
Key: Doh is G

V1:
Maw zaangfahtu Pathian in,
Kan thinlung sungah hin;
Thlarau in pek lungawinak,
Leitlun fimnak in a ban lo...

Cho:
Mifim mi nunnak hmuah in,
A lo ruat suak ban dahlo ding;
In ruundamtu na thuthup hi...

V2:
A thukin a va sang em,
Leitlun fimnak hnak in;
Pathian duh dawtnak thu hi,
Van le leitlun hmuah in a khat...

V3:
Maw kei misual hlo hnu hi,
A zaangfahnak ruang in;
Thlarau ih pek nunnak hi,
Ka nunnak Bawipa thangṭhat aw...

Read More

Maw Misual Tu Ah (Falam Pathian Thangṭhat Hla)

John. 3:3, II Kor. 6:2
Key: A

V1:
Maw misual tu ah khui ah so na um?
Na nunnak ni le thla a liam hlan ah;
Leitlun parmawinak cen in muang cang hlah,
Thihnak le hlohralnak na thleng pang ding...

Cho:
Na piangthar ding a si, caan ṭha na neih lai ah,
Ruuntu Bawi Jesu’n a tu a lo hngak;
Na si bangin Amah cu pan mai aw,
Na sualnak hmuah in a lo ngai dam ding...

V2:
Maw misual caan sunglawi na neih lai ah,
Zam rang in pan aw khua na tlai pang ding;
Nehhnu ah titu pawl ṭahnak hla cu,
Nazaret Bawi Jesuh a feh liam zo...

V3:
Tu hi lungawi caan Ruunnak ni a si,
Zaangfahnak ni sunglawi hi hawi san hlah;
Tu ah run dingin a lo hngak cam cin,
Maw misual run pan aw Bawi Jesuh Khrih...

Read More

Leitlun Sualih Hlo Hnu (Falam Pathian Thangṭhat Hla)

Luke 6:38
Key: G

V1:
Leitlun sualih hlo hnu tlen suakleh dingin,
Pathian in a fapa mal neih sun a pek;
A tlen cia sualih hlo hnu, nunnak lam an hmuhnak ding;
Thil pek ih hna ṭuan dingin Bawipa’n in ko...

Cho:
Pe cio uh ti cun pek in nan um ding,
Pek ah Pathian nan neh ban theilo ding;
Pathian in minung lei a ba dah lo,
Mal sawmnak hram pi a rak si...

V2:
Zumtu pawl tla thu pek khoh zet mi kan hmu,
Feh uh la Thuthangṭha sim cio uh a ti;
Fehsuak theilo pawl khalin mawhphurhnak tumpi kan nei
Thil pekih hnaṭuan dingin, Bawipa’n in ko...

V3:
Zumtu pawl tla khui-ah ro nan khawl khawm ding?
Thlarau hlo hawl ih khawl mi cu nan hmu ding;
Zumnak ih na pek ding cu Bawipa'n a lo hngak a si,
Ziang zatin so in zum ngam ve ding a ti...

V4:
Ka thei fiang zo Bawipai' in sawmnak thu hi,
Kristian hmuah in missionary dingah in ko;
Ka lo pek ka neihhmuah le ka taksa ka nunnak thawn,
Na ta ka si thi sen in-in lei zo si...

Read More

Kan Ram Duhdawttu Bawipa (Falam Pathian Thangṭhat Hla)

Jn. 3:16, 4:35-37
Key G

V1:
Kan ram duh dawttu Bawipa,
Man lo in Thuthangṭha in pe;
Caan saupi sung kan phuang lo,
Bawipa in ngai thiam hram aw...

Cho:
Kan ṭuan ding, Thuthangṭha sim hi,
Man lo in phuang suak dingah;
Leitlun hmuahhmuah hi,
Bawipai' ram a si hlan tiang...

V2:
Thlir uh law, lo kha cuan uh,
Khawm dingin fang thar an cu zo;
Nan favah kha rak keng in,
Bawipai' hrang a tu ṭuan uh...

V3:
Leitlun hmuah Bawipai' hrangah,
Kan neh hlan lo ṭuan vivo in;
Thlacam le thil peknak in,
Bawipai' ram nuam din phah in...

V4:
Tho uh law Krifa pawl tla,
Nehnak sunglawi kan ngah cing ding;
Kan Pathian hmin in puan zar,
Kan zar ding hih leitlun ah...

Read More

Maw Rualṭha U Le Nau Tla (Falam Pathian Thangṭhat Hla)

Key: A
Phuah: Lal Biak Eng

V1:
Maw rualṭha u le nau tla, thihnak thawi nan karlak cu,
Karkhat te lawng a si na thei fiang maw;
Thihnak thlanthim leh kumkhua meilipi in a lo hngak,
Apoi e Jesuh lawi thlanthim thlen ding cu...

Cho:
Tu hi zangfahnak caan ruundam ni a si,
Sawmnak aw nem na theih lai ah lung hak hlah;
Ruuntu’n thin sau ih a lo hngahlai ah hin run pan aw,
Khua a tlai cun sirawk man um nawn lo ding...

V2:
Pai’ caan a liam zo ih, Fapa caan khal a liam,
Thlarau Thianghlim sawmnak caanṭha khal hi;
A liam cing ding na nunnak na caan ṭha khal a liam ding,
Na fiang maw nunnak Jesuh na nei zo maw..?

V3:
Maw ka duhdawt nu le pa, na dinhmun zoh fiangsal hman,
Na catuan hmun ding na fiang zo maw?
Piangthar kor sang cop, hnukcah zawngih hlih saksal
dingmi,
Na si sual ahcun a poi a poi tuk e...

Read More

Pathian Duhdawtnak Ka Sim (Falam Pathian Thangṭhat Hla)

I John 4:9; Luke 19:10
Key: B
Phuah: Sang Tin Thang

V1:
Pathian duhdawtnak ka sim thiamlo,
Sualnak tipisen ih pilzo hnu;
In hawlsuak leh sal duhdawtnak in,
In hmusuak zo Kalvari Kross ah...

Cho:
Neihsun Fapa pekmi na si zo,
Aw kan nunnak Bawipa cu thangṭhat;
Leitlun na nunnak ni liam hlan ah,
Cuih duhdawtnak cu va hngilh hrimhlah...

V2:
Cuih duhdawtnak cu hawlin a si,
Fapa Jesuh Krih hmangin in hawl;
Ka tlan, ka tlan, ka tlan suak theilo,
In hmusuak zo Kalvari Kross ah...

v3:
Cuih duhdawtnak cu tuarnak a si,
Harsatnak tinkim cu tuar phah in;
Harnak, thihnak tuarnakin a si,
Misual mihlo keimah hawlnak ah...

Read More

Pathian Duhdawtnak Ropi (Falam Pathian Thangṭhat Hla)

Key: E
Phuah: Lalchungnunga

V1:
Pathian duhdawtnak, ropi le sunglawi,
Lei sual thimzing ah, a run sun tleu ih,
A fapa neihsun, kan hrang a pek zo,
Ka hrang nunnak le ruundamnak a si...

Cho:
Maw Kalvari tlang, Kros nehnak sunglawi,
Pathian thiltitheinak ka ta a si,
Khenbet in ka um, kei cu ka thi zo,
Atu ka nun hi, zumnak nung ka si...

V2:
Bawipa na zangfahnak thukam sunglawi,
Abraham hnenah, na kamcia zomi,
Kan Bawipa Jesuh, hnenah a rung thleng,
Malsawm saknak hmuah, hmuah ka ta a si...

V3:
Thlarau thianhlimnak, tleu le sunglawi bik,
Thutak nunnak tleu, le lam in zirh tu,
Nehtu Lal sunglawi, nehtu Jesuh Khrih,
Thangṭhatnak hmuah cu, Amai' ta a si...

V4:
Zumnak in ramtiam, ah cun ka lut ih,
Jordan ralkhat lam, kan thleng thlang a si,
Malsawmnak siar cawk lo, ka co zo ih,
Bawipai' sunlawinak, hlir si thlang koseh...

Read More

Pathianih In Duhdawtzia (Falam Pathian Thangṭhat Hla)

Key: G
Phuah: Lal Eng Lian

V1:
Pathian ih in duhdawt zia hi,
Ka fa duatte ti-in in ko;
A ro sunglawi cotu dingah,
Kannih misual in run hril hi...

Cho:
Halelujah, Halelujah,
Mi lian bikih fahniang kan si;
Kan hrangah ui-mi a neilo,
Pathian neih mi hmuahin kan ta...

V2:
Kan Pathianin hi lei ramah,
Kan hrangah ro in khawl sak lo;
Nitin kan ṭul dan tawk cioin,
Hmancop ding mi thilri in pe...

V3:
Kan Pathianin ziangkim a nei,
Sui le ngun le hlawn thilri khal;
Kan ṭuldan tawk cio in zem,
Remruat thiamtu Pathian kan nei...

V4:
Camsiatnak ram hi leitlun ah,
Farah rethei in leng hman ning;
Ka ro umnak vancung ram ah,
Milian maksak ka si leh ding...

Read More

Leitlun Buainak (Falam Pathian Thangṭhat Hla)

Key: E
Phuah: Lal Siam Thang

V1:
Leitlun buainak le harnak in,
Nitin ka sungah hna a ṭuan;
Sihmanseh ka fa ṭih hlah aw,
Leitlun hi ka neh zo a ti...

Cho:
Bawi Khrihlo cun leitlun ah hin,
Hmai hngalnak ding zianghman ka neilo;
In duhtu Bawi a si ruangah,
Lei mi’n mi-aa in ti hmanah ziang ka poi lo;
Ka phuang sin ding na dawtnak thu...

V2:
Leiah retheihnak tong hmanning,
Ka lungawi ding Bawipai' ruangah;
Kan cungsin van khawpi sungah,
Ka hngilhsan ding hi leiram hi...

V3:
Lei mi-in in sawisel hmanseh,
Leimi pawl-in in do hmanseh;
In neh theilo ding ka ṭihlo,
Bawipa ka lam-ah a ṭan cun...

V4:
Leimi in an theithiamlo ee,
Bawipai' dawtnak a thukzia hi,
Theifiangsehla an do lo ding,
Ka pa an sualnak ngaithiam aw...

Read More

Thu Ṭhen Dingin A Rung Ṭum Ding (Falam Pathian Thangṭhat Hla)

Key: G

V1:
Thuṭhen dingin a rung ṭum ding, na ralring maw?
Authawm le tawtawrawt vancungmi aw thawn;
Lei le van hman tihin an khur ding,
Unau na dinnak hmun a him maw..?

Cho:
Kei cu ka him ka nuam ka lungawizet si maw,
Harsat caan le ṭihnung caan khal thleng hmanseh;
Thlipi le ruahpi’n in nuai hmansehla,
Ka dinnak Bawi Khrih lungpi a si...

V2:
Maw rapthlak le ṭihnung maksak thuṭhen ni-ah,
Mai felnak men suangtu pawl thiamlo covin;
Tlang le mual hnenah, in nen uh ti-in,
Riahsia zetin Bawi Khrih an tong ding...

V3:
Pathian thinhengnak hmai-ah zoso ding ngam?
Thuṭhennak hmai-ah teh zoso lang ngam ding;
Cumi ni-ah cun thihnak an hawl ding,
Hmanseh thihnak cun a tlansan ding....

Read More

Van Kanaan Ram Pan In (Falam Pathian Thangṭhat Hla)

Key: E
Phuah: Khen Hai

V1:
Van Kanaan ram pan in thlarau hruaimi kan si,
Abraham, Moses thawn, van ṭong kan hmang thlang ding;
Minung ih ngan copmi lei member si lo in,
Pathian thinlung sungah thisen ngan kan si ee...

Cho:
Vancung member kan si van nun neitu kan si ee,
Hamcia mi mo ka si, Khrih thawn um dingin;
Nunnak cauk sungah hmin nganmi vialte cu,
Pathian inn sungkua ah member tling kan si ee...

V2:
Kan Bawipa Jesuh in ka ra zang ding a ti,
A mi thiang lawrdingin sumtlun in a ra ding;
Cui ni kan thlen tik cun a van mithiang pawlthawn,
Thang`hat zaihla sa in, Bawi Khrih thawn kan leng ding...

V3:
Abraham Pathian cu kan Pathian a si,
Sualman thawng sungih um mi ka si lai ah;
Jesuh Khrih kan tlang Bawi thisen thawinak thawng in,
Miluat fa ka si zo cuih thutak in ka nung...

V4:
Jesuh cu ka nunnak le ka damnak a si,
Ka lung rethei caanah hnemtu Bawipa a si;
Hmuh `heumi leiram ah tlinglo si hmanningla,
Hmuhban lo nunramah tling titu Bawi ka ngi...

Read More

Hmuhtheihmi Thil Cu (Falam Pathian Thangṭhat Hla)

Key: G
Phuah: Lal Biak Eng

V1:
Hmuh theih mi thil cu reilote hrang an si,
Hmuh theihlo thil lawng tlaitluan a daih;
Hmuh theih thil lakah, tlaihsantlak an umlo,
Lungawinak kim khal hmuh ding a har...

Cho:
A danglam dah lo, a cuai thei si lo,
Kan Bawi nunnem Jesuh in lainattu;
Kan lenglam taksa cu nitin ṭumsuk hmanseh,
Kan sunglam minung cu Khrih bang a mawi sin...

V2:
Leitlun Bawi an thi, ramuktu khal an ral,
An piangsal nawnlo, hi leitlun ah;
Bawipa Jesuh cu thihnak neh in atho,
Pathian vorhlamah kumkhua’n a nung...

V3:
Kan lei taksa cu leilung ah kirsal ding,
Hmanseh kan thlarau Bawipa'n a nei;
Jesuh ta ka si, a mah khal keimai ta,
Atu ka sungah a nung ka thei...

Read More

Itthat Mi Tho Dingah (Falam Pathian Thangṭhat Hla)

Key: G

V1:
It that mi tho dingah,
Tawtawrawt kha an tum ding,
A it that mi tho uh,
Nan hrang khua a tlai hlan ah,
Nan sual palhnak hmuah thawn,
Bawi Jesuh cu pan mai uh,
Ra uh tin in ko...

Cho:
Maw Bawipa kan hlo in kan pil ding hi,
Tilet suar tlun ah kan ding,
Kan zaten kan nunnak in hum hram aw,
In bawm aw Bawipa nang kan duh...

V2:
Leitlun harnak hmun ah,
Bawipai' ramthar din uh si,
Bawipai' hrangah dingin,
Kan Kros put khai sang uh si
Sualnak kha dung tun in,
Van nunnak kha kan co ding,
Lungawi a kim ding...

V3:
Kanzaten ding uh si,
Khrih le a pawlpi hmuah in,
Leitlun thim tleu dingah,
Bawipai' thu cah phur kan si
Ziangkim Bawipai' hrangah,
Feh in ramkip ah au uh,
A hna ṭuan uh si...

Read More

Tulai Thil Um Dan (Falam Pathian Thangṭhat Hla)

Key: G
Phuah: Lal Eng Lian

V1:
Tulai thil um dan nan theih ruangah, itthat thawh harh caan,
A cut zo ruangah hi hi ka lo sim e;
Tu-ah cun kan zum tirhlai ai in kan ruundamnak cu,
A nai zo ruangah hi hi ka lo sim e...

Cho:
Zan hi a cem zik te thlang, khua a rung vang zik zo ve,
Cuiruangah thim i hnaṭuan cu hlon in;
Tleu thuamin thuam aw thlang uh, sunih um vek ih mawi in,
Zu in buai leh zuri in um hlah uh...

V2:
Kan tikcu leh kan caan hi zualko tlan hnakin a cak sawn,
Cuiruangah unau daithlang in um men hlah;
Atu zangfahnak caan hi kan hrang caan sunglawi asi,
Duhdawtnak aw thawn Jesu’n a lo hngak lai...

V3:
Maw rualduh Bawipa Jesuh tong dingin na ralring maw?
Arei hlanah Jesuh cu a ṭumsal ding;
Mo hmuaktu fala aa bang, meifar tii na neih lo ahcun,
Bawipa sangka in on aw, na tileh ding...

Read More

Bawipa A Pathian Ih Neitu (Falam Pathian Thangṭhat Hla)

Key: E
Phuah: Lal Biak Eng

V1:
Bawipa a Pathianih a neitu miphun cu,
Thlawhsuahnak le malsawm comi an si;
Kan Pathian ih a hril mi a miphun pawl cu,
Suah man nei le mi hual vanṭha an si...

Cho:
Bawipa lawng hi Pathian tak le,
Biak tlak Pathian a nung ruundamtu;
Amah a nei ih ṭihzah a cawisangtu cu,
Bawipa’n a cawisang in mal a sawm ṭheu...

V2:
Bawipa ṭih hi fimnak ih hram le malsawmnak,
Amah do le mihngal an mualpho ding;
Bawipa Pathian hnongih Pathian dang hriltu le,
Milai rinsantu cu camsiat an si...

V3:
Ram le ram, miphun le miphun an do awk cun
An hlawhtling in ram an dinsuak lo ding;
Bawipa rinsantu le cawisang tu miphun lawng,
Hnin theilomi Zion tlang vek an si...

Read More

Ka Dam Lo Lai Ah (Falam Pathian Thangṭhat Hla)

Key: A
Phuah: Ṭha Nei Fai

V1:
Ka damlolai ah ti damtu ka nei,
Ka cahlolai ah mi cak bik ka nei;
Ka suallai caanah thiam co tertu ka nei,
In thlahthlam lo Bawipa'n in kai hnget...

Cho:
Ka nunah a cahnak lang dingah,
Ka cahlonak hi ka suangsin ding;
Ka ṭawnṭaihnak ah a hmel ka hmu,
Ka dam sung Jesuh lawng ka suangsin ding...

V2:
Ka hlawhsamnak ah Bawipa a hlawhtling,
Ka cem ralnak ah Jesuh a sunglawi;
A hrang ṭhathnemnak zianghman ka nei si lo,
Ka famkimnak Jesuh lawng a si...

V3:
Vanah nang siar lo neih mi ka neilo,
Vanah Pa ṭha bik ka lo neihhnu cun;
Leiahseherh tlak duhsawn mi ka neilo,
Ka tluangkhawnnak nun nem ka Bawipa...

Read More

Jesuh'n In Zahpi Lo (01) (Falam Pathian Thangṭhat Hla)

Key: D
Phuah/Sak: Biak Hlei Sum
Album:Bawipa In I Thei

V1:
Mi zonzai pawlin Jesuh cu an zoh ih,
Ziangtik caan khalah an ning a zak lo,
Bawipa na eng hnuaiah nun nomnak an sar ṭheu,
Na ṭangnemah thinnuam ten an cawl...

Cho:
A ṭhatnak ka ruahah Bawipa a ṭha tuk ee,
Kei tello in a um thei nan,
Misual bawrhhlawh hi Jesu’n in zahpi lo,
Cu hnakin ka kiang um hi nuam a ti...

V2:
Minung fimnak leh cahnak hmang lo dingah,
Pathianin mi aa caklo a hril hrim,
Hliamhrei caknak si lo minung fimnak tello,
Nehtu cu Pathian thlarau a si...

V3:
Duh ding tlak umlo Ruuntu Bawi nang lo cu,
Sualsal ah nuam cen dingin i sianglo,
I kiltu a si ka hnangamnak bik cu,
Jesuhin kei hi i hngilh lo hi...

Read More

Unau Na Thleng Ding Maw? (Falam Pathian Thangṭhat Hla)

Key: G
Phuah: Lal Nei Thang

V1:
Unau na thleng ding maw? Ruuntui’ remmi ram khi,
Tuu fano nunnak cabu sungah khin;
Na hmin nganin a um zo maw, na thleng ding maw?
Thleng thei ve hram dingin, na hrangah thla kan cam...

Cho:
Vancung ram ka ruahah ka nitin nun,
Thazangthar le beiseinakin ka khat;
Hringtu nu le pa le rualṭha duhdawt mi tla,
An lennak vansuikhua ka thlennak ding ram khi...

V2:
Kan damlai ni le thla kum sawmsarih, sawmriat,
Hrang hi thupi bikah ruat hlah uh si;
Thih hnu kumkhaw nunnak na thlarau hrang sawnah,
Na zawhmi lam zoh aw, vanram zin a si maw..?

V3:
Khi ni ah pacang ṭha Khrih ih ralkap pawl cu,
Lei ih an ṭuanmi in a thlun ding ih;
Martar pawl tla lungawinakin an khat ve ding,
Cuvek umlosehla, rawng hi ka bawl lo ding.

Read More

Ziangso Ka Ei Ding (Falam Pathian Thangṭhat Hla)

Key: G
Phuah: Lal Eng Lian

V1:
Ziangso ka ei dingih, ziang so ka in dingih,
Ti in nan nunnak dingah hin buai hlah;
Ziangso ka sin dingih, ziangso ka fen dingih,
Ti in nan taksa thu ah hin buai hlah...

Cho:
Ei ding hnakin nunnak a thupi sawn,
Sinfen hnakin taksa a thupi lo maw?
Tlunih a zuangmi vate khi zoh uh, buh an khumlo,
Zumnak mal pawl nan pa in a cawm khi...

V2:
Nannih cu annih hnakin nan sunglawi lo maw,
Ramtuktin par ṭhatzia khi vunruat hman;
Hna khal an ṭuan lo i pat khal an tham lovih,
Solomon ropitnak hnakin an mawi sawn...

V3:
Ramtuktin pangpar hman cu tlukih a cei cun,
Pangpar hnakin nan sunglawi sawn lo maw?
A ram le a felnak cu hawl hmaisa uh la,
Thil ziangkim hi a lo pek belh sah ding...

Read More

Leitlun Mawinak (Falam Pathian Thangṭhat Hla)

Key: C
Phuah: Lal Eng Lian

V1:
Leitlun mawinak phunkip hi, leitlun mi hrangah,
Duhnungza in lang hmanseh, kan thlarau hrangah;
Kumkhaw thihnak hremhmun ih inthlentu ah an cang,
Kannih hrangah cun thilṭha an umlo...

Cho:
Ruuntu Jesuh lawng kannih hrangah cun,
Kumkhaw nomnak ramnuam inthlentu a si;
Unau ra kir-aw leitlun nomnak sungin,
Ro ṭha lungawinak famkim na co ding...

V2;
Falat tlangval nomnak le zu le sa khalah,
Lungawinak hmuh tum hmanla, na hmu cuanglo ding;
Ruuntu Jesu’i hnen lawngah kan lungthlitum hmuahin,
A kim ṭheh rualṭha tu-ah ra pan aw...

V3:
Kan umnak leilungpi hi, nikhat khatah cun,
A cem a hloral leh ding, unau ruatsal-aw;
Caan sunglawi na neih laiah, Jesuh Khrih rak pan aw,
Caanṭha a cem cun na sir-aw leh ding...

Read More

Ka Lei Hringnun (Falam Pathian Thangṭhat Hla)

Key: G
Phuah: Lal Biak Eng

V1:
Ka lei hringnun caan tawite-ah hin,
Sual doral lian in thlemnak a bang si lo;
Fehnak theilo lam hruaitu dang kan neilo,
Kan duh bik Bawipa lawng ka nun lam i hruaitu...

Cho:
Amah cu ka nunnak le damnak,
Ka hlimnak le ka phaw ka hnangamnak;
I hngilh theilo a danglam lo a duhdawtnak,
Amah cu ka himnak ka beunak lung a si...

V2:
Damsung khawsak ngaihtuah buainak in,
Phusing bangin in nuai kian ni hrim a um si lo;
Hlim ni umlo, beidong cau-in ka rum leh si,
Lungawi diriamnak kim cu, Bawipa lawng a si...

V3:
Bawipa cu ka tuu khal ṭha a si,
Ka nun sual hliam hnu tuamdam in mal in sawm;
Hlimnak hriak i thih ka nunnak i cawisang,
Ka nun ngaihsak in ngilneihnak kutin i hruai...

Read More

Hi Hlan Kan Pi Le Pu Pawl (Falam Pathian Thangṭhat Hla)

Key: G
Phuah: Lal Eng Lian

V1:
Hi hlan kan pi le pu pawl, cung Pathian thuin an nung,
Harnak le tiduhdahnak an hrial lo;
Pathian thu ruangi tuar cu, malsawmnak tiin an hmu,
An lam tluan cu nang le kei khal thlun uh si...

Cho:
Zumtu na kiangkap zoh hlah,
Zumtu na thluak rawn hlah aw;
Bawipa in tuah ter a lo duh mi cu,
Tuah mai aw Pathian thu lun hi kan hrangah a ṭha,
Malsawmnak phun zakip-in in hmuak e...

V2:
Faktlak mi ralṭha pawl cun, Pathian thu an lun ruangah,
Mualphonak le relsiatnak an tuar e;
Sihmanseh kan Pathian in an tuarnak mal a sawm ih,
Vanhnuai ah zumtu an karh sinsin ee...

V3:
Simon Peter cun zanvar sur a vorh nan a hlawhsam,
Sihmanseh la Pathian thu a ngai ih;
Li thuknakah sur vorh aw, Jesuh thu-in a vorh cun,
A hlawhtling Pathian thu lun a hlawk e...

Read More

Eden Lungawinak (Falam Pathian Thangṭhat Hla)

Key: G
Phuah: Ṭha Nei Fai

V1:
Eden lungawinak in i run zel,
A ṭul daan ih lungawi ka thiam zo;
Ngun sui le sumsaw neitu hnak in,
A sangsawn lungawinak sar ning ee;
Tisa le thisen in a theilo,
Cunghlum kan pai bezai aanka nem,
Aan cing hlahhai lungfim pawlkhal in,
Cung rauthlathiang hnaṭuan a si aw...

Cho:
Mangṭaam a tlunkum le,
Ṭahlai caan hi lawmnak,
Ka sarsuak Kalvari cirhtinung,
An theilo an hmu lo khawvel min,
Habakuk ṭingtang tum ka thiam zo...

V2:
Ruun dawh le Ngunsui neilo hman ning,
Nazaret Lily par ka nei si,
Hi leiah rethei in um hman ning,
Ka neihsun Bawi Jesuh a tawk ee,
A khum ee cung vansang in duhnak,
Tlung ai ee pol ih leibia banglen,
In hlan ee a sungbik a nunnak,
A tawk ee cungkhua nui in duhnak...

Read More

Thuthangṭha Hi Ka Zahpi Silo (Falam Pathian Thangṭhat Hla)

Key: G
Phuah: Lal Nei Thang

V1:
Thuthangṭha hi ka zahpi silo,
A zumtu pawl hrang ruundamnak dingah;
Ralṭha i ka sim sin theinak dingah,
Zumtu ka hrang thlacam bang hlah uh...

Cho:
Ka fehsin ding thim lal kulh ṭhiatbal dingah,
Ka hnenah Bawpai’ thu a um ko;
Leitlun cem tiang ka lo umpi ding a ti,
Bawipai' thu a danglam thei si lo...

V2:
Ka hmaiah lungawinak Lal lukhum,
Ret cia-in a um ti ka thei fiang;
A ni ih a cotu ding mi pawl cu,
Thlarau hlo kaitu pawl tla an si...

V3:
A tuarnak ih tuarpitu pawl cu,
A rorelnak ah ro an rel ding;
Tui’ kan tuarmi harsatnak pawl tla cu,
Lehhnu kan sunlawinak ding an si...

Read More

Ka Lei Damsung Nun Hi (Falam Pathian Thangṭhat Hla)

Key: G
Phauh: Biak Ruat Zual

V1:
Ka lei damsung nun hi caan tawite sihmanseh,
Bawipai' duh lo zawng nun ka phang e;
Ka neh theilo sualnak, thinhar in ka buai ṭheu,
Bawipai' Thlarau Thianghlim bawmtu ding ka ṭul e...

Cho:
Zion fa lo cun vanram an lut lo ding,
Bawipai' remmi sui khawpi ah;
Ka thleng leh ding, cui hmun thihnak tiva ral ram,
Sualnak a umlo ding, lungawinak a kim ding...

V2
Ka neh theilo sualnak leitlun nomsaknak hi,
Sualnak phunkip in i naih sinsin,
Ka fehnak lamtluan ah tluknak ding tam hmanseh,
Jesuh Khrih ka zoh cun, ka buainak a kiangsal...

V3:
A caan caan ah sualin i neh caan um hmanseh,
Bawipai' kutcak in kei i hruai ṭheu;
Ka nunnak cu sualih siatral ding i sianglo,
Zion ram cotu-ah Bawipa’n i hril zo si.

Read More

Na Thu Sungah Um A Nuam (Falam Pathian Thanṭhat Hla)

Key: G,

V1:
(Na thu sungah um a nuam)2
Na thu sung lawngah ruahsannak ka nei;
Mit khua na hmuhter ih thinlung a nuamter,
Na thu sungah Bawipa i um ter aw.

Cho:
Na thu cu lam hmuhtu mei a si, (Halelujah)
Ka fehnak lampi khua a tleuter ih;
Mangbangza thil pawl hmuh theihnak dingin,
Na thu sungah Bawipa i umter aw...

V2:
Minung pawl kan nunnak hi, ti le rawl lawng asilo,
Pathian ṭongkam thutak thawn nung kan si;
Hi thu theihnak dingah manna thawn a cawm,
Nelrawn ramah Bawipa in thu a sim...

V3:
(Bawipa a rinsantupawl)2
Zan na ih lai khalah a lo kil ding;
Na ṭhang tik khalah thu a lo sim ding,
Na nundan zia ding khal a lo sim ding...

Read More

Bawipai' Sunlawi Zia (Falam Pathian Thangṭhat Hla)

Key: E
Phuah: Lal Biak Eng

V1:
Bawipai' sunlawi zia le maksak zia hi,
Leimi aanka ih phuan cawk rual si lo;
Mifim fimnak in a ruatsuak ban dahlo ding a mak ee,
A ropitnak in lei le van a khat ee...

Cho:
Sunlawi thangṭhat upatnak cu kumkhua na ta siseh,
Ka Pathian cu kan hrang a ṭha tuk ee;
Thilsiam tinkim in thangṭhatseh,
Sersiamtu Bawipa cu Halelujah.. Halelujah Amen...

V2:
A cahnak in leilungpi a din ih,
Tlangsang,hawrkuam,thing,mau,rua parmawi le;
Van ruah daifim thlithiang cirhti luang le tifinriat thawn,
A ṭhatnak in lei le van a khat ee...

V3:
Kan cung ninu thlapa van arsi khin,
A ropitzia a kut neh an langter;
Nunnak neimi le nunnak neilo ziangkim sersiamtu Bawi,
A thangṭhatnak in lei le van hngawrsuakseh.

Read More

Falam Gospel Hla (Lak/Ret Khawm)

(A)
Pathian Thu Lawng = Phuah:Evan Lal Nei Khup,Sak:Van Duh Thang (DuDuh)

(B)
Bawipa Thangṭhat = Sak/Phuah: Sarah Thian Nun Mawi
(I)
I Hmang Aw = Sak/Phuah: Sarah Thian Nun Mawi
(P)
Psalm 73 = Sak/Phuah: Sarah Thian Nun Mawi

Read More

Falam Praise and Worship Hla (Lak/Ret Khawm)

(B)

Bawipa Cu Thangthat Uh (Shout To The Lord)
Bawipa Ka Lo Biak
Bawipa Na Hmaiah
Bawipa Na Hming Kan Lo Thangthat (Lord, I Lift Your Name On High)

(E)

Emmanuel (ဧမာေႏြလ)

(N)

Na Hnen Ka Ra = Phuah: Phirivau,Sak: Sang Rem


(S)

Saam 117

(T)

Thangthat Halleluijah (သီဆို ဟာေလလုယ)
Thangthat Thawinak (We Bring The Sacrifice of Praise)

(V)

Vancung Ih Kan Pa ( Father In Heaven )

Read More

Kan Ram Mipi Ṭulmi (Falam Pathian Thangṭhat Hla)

Key: G
Phuah: Ro Par

V1
Kan ram mipi ṭulmi kristian sungkua,
Bawipa’n a hawl a ram hrangah;
Hmaisa bikah nu le pa in thu-awi nunin,
Fanau cawntlak nun thianhlim lamzin sial uhsi...

Cho
Nan run inn hi ziangso a si,
Inn hi biak inn lakih biak inn;
Ramsung khawsungih hmunpi a si,
Inn sungsang nun a thianhlim cun,
Kan ram Khrih hrang a parsuak ve ding...

V2
Tui’ ni ih ka lo pekmi thu pawl hi,
Nan thinlungah um camcinseh;
Nan to nan fehlai le nan ih nan thawh caanah,
Fanau cawn tlak nun thianhlim lamzin sial uhsi...

V3
Kan fale nun zirh theih an si laiah,
Dimdawih lo in nun zirh cio uh;
Seol-ih ta an nunnak cu ruunsuak zang uh,
Kan lal lukhum le kan ropitnak fale tla...

Read More

Kannih Bawi Khrih Zumtu (Falam Pathian Thangṭhat / Christian Hla)

Thup. 7: 15-17
Key: D

V1
Kannih Bawi Khrih zumtu tla in,
Kan thinlung sungah hin,
Sodom le Gomora cu kan iang,
Rung lengsal aw Bawipa nang kan lo ngai...

Cho
Ram nitla dahlo ih laireltu Mangbawi,
Na ramah cun eltainak tla,
A um nawnlo an ti,
Nuam in kan leng thlang ding...

V2
Maw Abraham nang kan lo ngai,
Sarah khal kan ngai ee,
Kannih zumnak ih thu kamtu tla’n,
Bawi hmai ih thukam kha pelh hlah uh si...

V3
Hih leitlun ih zumtu pawl hin,
Maw Bawipa kan lo ṭul,
Na ram rung thlengseh kan thinlungah,
Cunglam Salem thar kan ngai ce naa maw..?

Read More

Bawipa Cu Ka Nun (Falam Pathian Thangṭhat Hla)

Jn. 21:1-19
Key: E

V1
Bawipa cu ka nun khawfing catin,
Khawmualah cun a rak ding kovih,
Zianghman theilo in ka hmunto ta cu,
Bawipa cun a let zaa’n mal in sawmsak...

Cho
Hmanseh thu maksak zet i sut ih,
Mangbangin ka dinlai ah;
Bawipa cun a thil titheinak hmangin,
I tawlrel adung thlun theisal dingah...

V2
Ka Bawipa cu ka theifiang a si,
Mangbang ih ka taalbuai lai khalah,
Ka ṭul bikmi cu i run pe zovih,
Ka nun cu lungawi in a khatliam zo...

V3
Bawipa cun ka ṭul bik a thei ih,
Bawi Khrih ih a lennak cu i pe,
Duhsaknak tinkim in thlawsuah i pe,
A malsawmnak kim cu ka ta a si...

Read More

Suum Rei Lo Te (Falam Pathian Thangṭhat Hla)

Sam 103:14-16, Jame 2:14
Key: G

V1
Suum rei lote alang lawkih ralleh bangin,
Kan nunnak hiseherh tlak a umlo ve;
Leitlun le asung ih thil ummi hmuah khal hi,
San rei daih an umlo an hloral mai ee...

Cho
Hringnun parmawi lai a tawi hlei ee,
Damsung nun hi thuanthu bangin a tawp ṭheu;
A reinak cu retheihnak, riahsiat le harsatnak men,
Kan damsung ni thla siardan in zirh aw...

V2
Pangpar bangih reilote ih ziam kan nun hi,
Leitlun buai suumpi zing tangih leengmi hi,
Ruundamtu Bawipa nang tello cun leitlun ah,
Lawmnak kim lungawinak le nomnak a umlo...

V3
Hlobet par bangin kan sunlawinak vialte hi,
Hlobet cu a vuai a par atla ṭheu ih,
Pathian thu sawn cu kumkhua in a um camcin,
Kumkhua daih nunnak petu fakin umseh...

Read More

Kumkhua Meipi (Falam Pathian Thangṭhat Hla)

(Thup. 21:8)
Key: G

V1
Kumkhua meipi rilrawng thlarau khop lo,
Jesuh duhlo pawlhrang thuahmi cu;
Hremhmun mei pi kumkhua khal ih dai lo mi,
Hloral fa pawl an co ding kumkhua hremhmun...

Cho
Sim sim khal ih lung duh lo,
Rel rel khal ih sawt cuang lo;
Ziang ti ih um saw maw na tum ih?
Ṭah le hrumnak ha rialnak na thlen hlan ah,
Bawi Jesuh cu pan zang aw na hloral ding...

V2
Khrihfa kan si ti in hnangam mai hlah,
Bawipa Jesuh na neihlovah cun;
Bawipa Jesuh lung a awi cuang lo ding,
Na co ding cu riahsiatnak kumkhua hremhmun...

V3
Kumkhua hremhmun rapthlak pum pelh dingin,
Ruundamtu Bawi Jesuh na nei si lo;
Na damlai ah Bawi Jesuh na neihlo cun,
Na co ding cu meipi lawng kumkhua meipi...

V4
Kumkhua hremhmun meipi cu vun thlir hnik,
Na umnak ding asi na riahsia maw?
Ziang na ti saw sim sim khalih lung duh lo,
Na co ding cu hloralnak kumkhua hremhmun...

Read More

Hi Leitlun Ih Khrihfa (Falam Pathian Thangṭhat Hla)

Key: G

V1
Hi leitlun ih Khrihfa mi tampi lakah hin,
A hminmen ih Khrihfa an tampi;
Ruundamtu neilovih Khrihfa si ve mai hin,
Kumkhua hremhmun a pum pelh cuanglo...

Cho
Bawi Khrih ah maw na um?
A hmin lawng Khrihfa ah?
Bawi Khrih ah maw poi sawn Khrihfa ah?
Ruundamtu neilo ih Khrihfa si ve mai hin,
Kumkhua hremhmun a pum pelh cuang lo...

V2
Ruundamtu neilo ih Khrihfa si ve mai hin;
~hathnem le sawtnak a nei si lo;
Ruundamtu neilo ih Khrihfa si ve mai hin,
Kumkhua hremhmun a pum pelh cuang lo...

V3
Kannih Lairam Khrihfa ti aw pawl lak ahhin,
A hmin men ih Khrihfa an tampi;
Ruundamtu neilo ih Khrihfa si ve mai hin,
Kumkhua hremhmun a pum pelh cuang lo...

V4
Jesuh lawng hi lamzin thutak nunnak a si,
Mi zo khal a mah ih fehlo cu;
Pathian ramsungah zo hman an lut theilo ding,
Kumkhua hremhmun cu an co sawn ding...

Read More

Mawilai, Ṭhatlai Le Cahlai Caan (Falam Pathian Thangṭhat Hla)

Key G
Phuah: Ṭha Nei Fai

V1
Mawilai, ṭhatlai le cahlai caanah cun,
Ṭhianrual ṭha le duhdawttu an tam;
Mawilai le ṭhatlai ni a liam hnu cun,
Lei-ah hin rualṭha ton ding a har...

Cho
Jesuh Khrih lawng hi ka rualṭha bik,
Jesuh Khrih lawng hi in duhdawttu;
Nomlai caante le ṭahlai caan khalah,
Inkil invengtu Jesuh lawng a si...

V2
Hlawn thilri le sumsaw neih laiah cun,
Ṭhian rualṭha le duhdawtu an tam;
Vanduainak nun a siatter hnu cun,
Lei-ah hin rualṭha ton ding a har...

V3
Bawipa nang cun misual ka si lai ah,
Thihnak har tuarin nunnak in pek
Cak lo le thabangih ka um laiah,
Kei bawmtu Thlarau Thianghlim in pe...

Read More

Ka Pai' Hnenin Ka Tlan Hnu (Falam Pathian Thangṭhat Hla)

Key: F
Phauh: Ṭha Nei Fai

V1
Ka pai' hnenin ka tlan hnu, ka neihmi hlawnthil a cem,
Fapa tlan hlo lam tluanah; duhdawttu hman neilo in;
Hmanseh ka pai' mitthli cu, hul ni neilo in a luang;
A duhdawtnak in in thlir, a ṭangnem ih kir dingah...

Cho
Duhdawtnak, duhdawtnak,cung Pathian ih duhdawtnak Ramri
a neilo thukin a sanzia hi;
Tifinriat hnakin a thuk, van hnakin a sang sawn si,
Damsungin ka aupi ding, cemni neilo duhdawtnak...

V2
Profet pawlin an rak sim cemtheilo duhdawtnak thu,
Dungthlun pawl khalin an phuang ahrek hman an sim thiam lo;
Ca sungih ngan cawk lo le Kaa-ih sim cem theilo mi,
Cung Pathian-ih duhdawtnak kan thlarau, taksa damnak...

V3
A felnak ka phu ban lo, a fimnak ka ruat ban lo,
A cahnak a maksak si lennakin a khat Pathian;
Duhdawt tlak lo in duhdawt, zangfah tlak lo in zangfah,
Ka duhdawt mi ka fahniang ti’n in ko a va mak em...

V4
Minung cun mi lian mi ṭha sungkhat unau kan duhdawt,
Sihmanseh cung Pathian cun a mai ralpawl in duhdawt,
A fapa neisun in pe van nunnak co thei dingah,
Zianghman in,in ṭhen theilo duhdawtnak sungah kan um...

Read More

Pathian Duhdawtnak (Falam Pathian Thangṭhat Hla)

Key: Gb
Phuah: Lal Eng Lian

V1
Pathian duhdawtnak ka sim thiamlo,
Sualnak tipi sungih pil zo hnu;
In hawl suak lehsal duhdawtnak in,
In hmusuak zo Kalvari Kros ah...

Cho
Neihsun Fapa pekmi ka si zo,
Maw ka nunnak Bawipa cu thangṭhat ;
Hi lei ka nunnak a liam hlan cu,
Cui duhdawtnak cu va hngilh hrim hlah...

V2
Cuih duhdawtnak cu hawl in a si,
Fapa Jesuh Khrih hmangin in hawl;
Ka tlan, ka tlan, ka tlansuak theilo,
In hmusuak zo Kalvari Kros-ah...

V3
Cui duhdawtnak cu tuarnak a si,
Harsatnak tinkim cu tuar phahin;
Thisen suakih thihnak, tuarnakin,
Kei mi hlo, misual hi in hawl suak...

Read More

U le Nau Kan Nun Daan Hi (Falam Pathian Thangṭhat Hla)

Key: G
Phuah: Ren Hlei Thang

V1
U le nau kan nun daan hi,
Pathian lungawi zawng si hramseh;
Hi leitlunih kan thuahmi bangin,
In rulsal ding Bawipa-in...

Cho
Unau nitin kan nun ah,
Kan thuahmi le kan ṭuanmi;
Kan hmu leh ding thuṭhennak caanah,
Kan zoh ngam ding maw kan nun...

V2
Thlarau lamih ci tuhtu cun,
Thlarau lam malsawmnak dongin;
Tisa lamih ci tuhtu cun,
Siat hlohralnak an at ding...

V3
Leitlun kan damlai khalah,
Ṭhatnak ci a tuhtu cu;
An taksa-ah thlawsuah kim an hmu,
Dam sung nun saunak thawn...

Read More

Bawi Khrih Nun Neitu (Falam Pathian Thangṭhat Hla)

Key: D
Phauh: Ren Hlei Thang

V1
Bawi Khrih nun neitu pawl cu,
Harsat le donak lakah;
Nitin mai Kros pu-ih feh ding kan si,
Ringtu hmasa feh liam pawl nundan khi;
Harnak, thihnak tiang tuarin,
Leitlun hrang an nun an hlan...

Cho
Khrih ruangih Amah kan rin lawng si lo in,
Kan tuar khal Pathian in in siang;
Tuarnak hi camsiatnak a si si lo,
Kan hrang malsawmnak ṭha bik sawn a si...

V2
Thutak theilotu pawlih,
Hmuh dan le thlir dan cun;
Thinlung ṭhalo neimi bang si hmanseh,
Kannih cu thutak ṭan ding ti lo cu;
Thutak do dingah hi cun,
Zianghman kan ti thei si lo...

V3
Kan tuarmi donak tla hi,
Harsa bangin lang hmanseh;
Bawipa Jesuh zoh cun rel tlak umlo,
Thisen thianghlim a neitu Jesuh hrang;
Tuar tlakah Pathian in ruat,
Lungawi thu kan sim sin ding...

Read More

Camsiatmi Leitlun Ih (Falam Pathian Thangṭhat Hla)

Key: G
Phuah: Ren Hlei Thang

V1
Camsiatmi leitlun ih ka len laiah hin,
Hnangam le lungawinak hawl ṭheu hman ningla;
A umlo buainak le beidawnnak men a si,
Kei ka lungawinak kim Bawipa nang lawng na si...

Cho
Bawipa nang lo hi cu duhmi dang ka neilo,
Ka pom ding umsun cu nang na si;
Nang thawi kan lentlang cun,
Ka tonmi thil hmuah hi;
Lungawinak ding lawng ka damlai ni hi...

V2
I duhdawttu umsun Bawipa nang lawng hin,
Misual aiah na thi harsatnak kim na tuar;
Kei ka lennak dingah retheinak khal tuarin,
Ka hrang na nun na pe kei khal na ta ka si...

V3
Hi leitlunah harsatnak thlisia hrang hmanseh,
Buainak ding a umlo nang thawi kan umah cun;
Sunlawinak vanram khal ka ngai hleice cuang lo,
Nang na umnak kip cu ka hrang vanram a si...

Read More

Damlai Thlaler (Falam Pathian Thangṭhat Hla)

Key: G
Phuah: Ren Hlei Thang

V1
Damlai thlaler leitlun ka khual tlawnnak,
Lei sual rit phurin nitin ka vakvai;
Ka nun sung cawlhdamnak hawl hman ningla,
A umlo ruundamtui hnen lo cun...

Cho
Jesuh lawng kan hrang hnangam daihnak a si,
Rethei mi le phurrit phur mi hrangah;
A hnen lawngah hlim le lawmnak a um,
Kei cun ka thlun sin ding vanram tiang...

V2
Lei sum le saw len le hminthannak ah,
Duhthusam bang kim thei ti a umlo;
Ṭah le buainak tamtertu men an si,
Leitlun no khah ti ni a um si lo...

V3
Zokhal hi ti a intu hmuah hi cu,
An ti a halsal ding Jesu’n a ti;
Nunnak ti nung a luang Kros-ah cun,
Ra cawl uh lungdam te'n kan leng ding...

Read More

Ninghan Le Beidonnak (Falam Pathian Thangṭhat Hla)

Key: E
Phuah: Ca Hmung

V1
Ninghan le beidonnak mero bang a rung lang cun,
Tuurual pawl thlaphan thawm a hung thang e;
Ṭih hlah uh, zaam hlah uh, Immanuel hmai a hruai,
A tuu rual hngilh dah lo Immanuel...

Cho
Ninghannak a umlo cun, beidon caan a umlo cun;
Lungawinak an parlo ding, sui lamzin hruaitu an si;
Zion tlang bang hnin lo nun cu ka nei zo...

V2
Rom ralkapih an hruai cun a thluntu khuiah an um?
Piter-in ka theilo minu a ti;
Jerusalem ar a khuang Peter nun ṭhangharhtu ar,
Hung khuangsal na tuu rual pawl lakah hin...

V3
Zokhal i thluntu cun amai thinglamtah phurseh,
A unau a sungkhat a tan lo cun;
Cinghnia-in kua an nei vate-in bu nuam an nei,
Lu retnak hman neilo Immanuel...

Read More

Damlai Hring Nun Ah (Falam Pathian Thangṭhat Hla)

Key: F
Phuah: Ṭha Nei Khar

V1
Damlai hringnun ah lungawi kim theilo,
Tlaksamnak le nun beidongnak a si;
Khrih Jesuh a neitu lawng in lungawinak kim le,
Thinlung hnangamnak kan co hleice ee;
Hmuh thiamlo nun lungawinak...

Cho
Kei cu phan ding ka neilo,
Harsat mangbangnak cu thleng hmanseh;
Keimah ih a nung mi Bawi Khrih ruangah,
Tuar dan ka thiam si, in hruaitu a mah a si...

V2
Hi leiram cu ee nun a famkim lo,
Bawipai' siamsalemthar khawpi nuam ih;
Kan thlen hnu lawngah famkim ding,
Ziangkim neitu le pe theitu, Amah ka neih hnu hi cun;
Nun lungawinak thup ka nei...

V3
Leitlun mithmuh ah fel si lo hman ning,
Felnak Bawi Jesuh ka neih ah cun;
Pathian in mifel ah in pawm, minung ruahdan hnak in,
Pathian ruahdan ka ngai sang sawn si;
Nun hahdamnak ka nei zo...

V4
Leidip ih tuahmi hringmi kan nun ah,
Leilung ah kirsalin ziam ral hmanseh;
Ka thlarau cu a mai hnenah,
A kirsal ding si ti ka theih hnu cun, buai ding a umlo;
Ka thlennak ding ka thei fiang...

Read More

Dam Sung Nun Hi Ka Vun Ruah (Falam Pathian Thangṭhat Hla)

Key: G
Phuah: Lal Siam Thang

V1
Dam sung nun hi ka vun ruahsal tikah,
Leitlun le a sung ih thil um mi hi;
An mawinak le an parṭhat lai tla hi,
Seherh tlak an umlo an ziam mai ṭheu...

Cho
Vancungah khin maw ka Bawi Jesuh,
Nangmah siarlo ziang dang so ka neih ih;
Nangmah ka lo neih hnuah hi cun,
Leitlun khalah hai mi dang ka neilo...

V2
Ka thinlung le ka taksa pawl tla hi,
Caklo in ṭumsuk sinsin hmansehla;
Bawipa cu ka cahnak thazang a si,
Amah lawng kumkhua ka ṭulmi a si...

V3
Duhmi a tam thlaler leiram hi,
Duhthusam bang a kim thei si lo;
Hmanseh Bawipa nang ka hnen na um cun,
Nun a kim zo hai mi dang ka neilo...

V4
Jesuh nei si loih len hnak cun,
Nangmah neih hi a ṭha a sunglawi bik;
Hnangamnak le daihnak kim in petu,
Jesuh cu ka ziangkim ih ka ziangkim...

Read More

Kum Tampi Leitlun (Falam Pathian Thangṭhat Hla)

Key: F
Phuah: Lal Biak Eng

V1
Kum tampi leitlun sual nomnak ah,
Ka vakvai Ruuntu Bawi theilo in;
Hnangam le lungdaihnak hawl hman ning,
Buainak le beidawnnak lawng an si...

Cho
Jesuh lawng nun hnangamnak a si,
Ka nunnak le ka ziangkim a si;
Ruahsan ding dang ziang neilo hman ning,
Tu ka nei, hnangamnak Bawi Jesuh...

V2
U le nau, tu-ah na nunnak kha,
Zohfiang hman mero vek men a si;
Hi leitlun sunlawi hminthannak khal,
Sankhuk daih ding zianghman an umlo...

V3
Ka thei fiang Bawipai' duhdawtnak cu,
Misual ka hrangah a nun a pe;
Ka sam theilo Bawipai' duhdawtnak,
Ka thlun ding ka nunnak a liam hlan...

Read More

Kan Umnak Leilung (Falam Pathian Thangṭhat Hla)

Key: Bb
Phuah:Ṭha Nei Fai

V1
Kan umnak leilung ni khat khatah a siat ding,
Kan cung ninu thlapa arsi an hlo ding;
Sersiam mi thil hmuah kumkhaw hmun ding an umlo,
Bawi Jesuh lawng aṭha bik kan mai hrangah...

Cho
Bawipa na hnen ihta tlan in khuiah kan feh ding,
Na hnenah kumkhaw nunnak a um si;
Ṭhal caanih sakhi’n sihti a ngai bangin Bawipa,
Ka nunin nangmah a ngai...

V2
Hi leitlunah cun khual tlawng mi lawng kan rak si,
Cam khatte langih hloralsal mero bang;
Ralringten um uh si kan ralpa setan cu,
Kiosa rilrawng bang bum ding hawlin a rum...

V3
Tui san an uar an sunlawih mi thil hmuah tla cu,
An hloralsal ding zianghman lo men an si;
Pathian fa hrangah cun buaipi tlak an umlo,
Bawi Jesuh lawng a mawi bik ziang hmuah lakah...

Read More

Pathian Fapa Leitlun A Rat San Cu (Falam Pathian Thangṭhat Hla)

Key: Gb
Phuah: Ṭha Nei Fai

V1
Pathian Fapa leitlun a rat san cu,
Setan hnaṭuan siat bal ding le;
Mi hmuahin thutak sunglawi cu thei i,
Ruundam an si theinak dingah...

Cho
Mitcaw pawlin khua an hmu zo,
Hnaset pawl thu an thei;
Mi zeng pawl tla an dam,
Kebai pawl ke-in an feh ih;
Mi phar pawl tla an thianghlim,
Kan Pathian sunglawi sinseh...

V2
Bawi Jesuh Khrih leitlun a len laiah,
Khawsia, khuavangin an hmuhin;
Pathian Fapa, in ngaithiam aw ti in,
~ih le khurin an tlan, an tlan...

V3
Sersiammi hmuahin Bawipa thangṭhat uh,
Kan Pathian cu a ṭha a ṭha;
A duhdawtnak leitlun khua zakipah,
Kan sim, kan phuang, kan aupi ding...

Read More