Hi Hlan Mithianghlim Pawl (Falam Pathian Thangṭhat Hla)

Key: G
Phuah: Lal Nei Thang

V1
Hi hlan mithianghlim pawl nun daan khi,
Siangpahrang thinhengnak khal ṭihlo in;
An do an ral pawl an hmaiah an zaam ṭheu,
Raldonak ah mi hrat khawkheng an si...

Cho
(Cuipawl cun hi leilung tlun hi an hrangah,
Umnak tlakah an ruat lo...)2

V2
Tlang le lungpuk sungah an ceng ṭheu,
Mi farah sin ding neilo pawl bangin;
Tuu vun le kelvun sin in an vakvai ṭheu,
Camsiat mi bang lungih den ṭhat an si...

V3
Hi lei mawinak lenglam thil an hmu,
Thlarau khawvel ih ceng pawl an si;
An hrang Pathian laksawng pek ding an hmu fiang,
Leitlun hi umnak tlak ah an ruat lo...

V4
Ṭih le harnak lakah an hnangam,
Leitlun uktui hmai ah an zaam lo;
Catuan daih rofimnak sawn an hmuh ruangah,
An nunnak Khrih hrangah an hmang cem sawn...