Aw Kei Misual Hloral Hnu Hi (Falam Pathian Thangṭhat Hla)

Ikor. 9:16, Rom 1:16
Key: G

V1:
Aw kei misual hloral hnu hi,
Sual rongbawl in ka rak leng ṭheu;
Tu ah cun i duhdawttu Bawipa in,
A Thuthangṭha tleu ah in hruai lut zo...

Cho:
Ka dam san cu hi hi Thuthangṭha sim sin hi,
Thuthangṭha cu ka zah pi si lo ih;
Zokhal a ringtu hmuah hrang ruundamnak dingah
Pathian huham cahnak a si si...

V2:
Thiamnak saannak sum le pai ah,
Mi tla’n lomnak hawl hmanseh la;
Kei ka lungawinak cu hi hi a si,
Bawi Jesu Khrih Thuthangṭha sim sin hi...

V3:
Thuthangṭha hi sim hman ningla,
Suan ding zianghman ka nei si lo;
Ti lo theih lo ka tlun a ṭhum aw si,
Simlo ningla ka hmakhua a pit ding...

V4:
Pathian velneihnak Thuthangṭha,
Mi tinkim hrang a rak si ih;
Relsiatnak le harsatnak karlakah,
Ka sim sin ding Bawi Khrih Thuthangṭha hi...