Bawipa Na Malsawmnak (Falam Pathian Thangṭhat Hla)

Key: F
Phuah: Lal Eng Lian

V1:
Bawipa na malsawmnak kan donmi hi,
Siar cawk ding asilo a luangliam e;
Thil ziangkim hi kan hrang thuahmi an si,
Kan kil thei tawk thlawsuahnak in run pe...

Cho:
Mifim, mithiam, ziangtheilote khal hi,
Anmah le tawk cioin fimnak na pe;
Inn le lo ziangtinkim kan hmuh mi hi,
Bawipai' hnenih kan ngah mi lawng an si...

V2:
Thingkung, hrampi, pangpar kan hmuh mi hi,
Sersiamtu cung Pathian thuahmi an si;
Thlaihnah ei ding tinkim kan hmuh mi hi,
Bawipai' hnenih kan ngah mi lawng an si...

V3:
Fa le hnenih thilṭha ui lotu cun,
Thil hmuahhmuah hnakihṭha Jesuh in pe;
Kan tuah kan ṭuanmi hi Bawipa lo cun,
Rah suah hlawhtlingter theitu an umlo...