Ka Bawipai' Duhdawtnak (Falam Pathian Thangṭhat Hla)

Key: C
Phuah: Lal Biak Eng

V1:
Ka Bawipai' duhdawtnak maksak cun,
Sualnak le thihnak lam ka thlun laiah;
In ruunsuak ih nunnak ro sunglawi in pe,
Cuti’n a dungthlun thei dingin in tuah...

Cho:
Dam sungin ka thlun ding ka Bawipa cu,
Leitlun mi’n hmuhsuamin nautat hmanseh;
Ka hril sawn ka Bawipa leitlun thil dang hnakin
Har hmanseh lungawiin ka thlun sin ding...

V2:
Kros thu cu hloral mi hrangah atthlak,
Ruundam mi hrang Pathian thil titheinak;
Hi lei daanih thlirtui hrangah mualphonak,
Sihmanseh, ka phuangsin ding Kros thu cu...

V3:
Leitlun mi’n theilo in do hmanseh,
Buainak le tiduhdahnak tam hmanseh;
Ka kir lo ding hmai lamah ka fehsinding,
Ka hmaiah nunnak sui lukhuh a um...