Mi Umnak Hmun Kipah (Falam Pathian Thangṭhat Hla)

John 14:16
Key: C
Phuah: Wm. J. Kirkpatrick

V1:
Mi umnak hmun kipah a Thuthangṭha thlengseh,
Mi thinlung sungkip ah thlangamnak thleng cioseh;
Kristian si mi hmuah in lungawinak thu thanseh,
Thlangam tertu a ra...

Cho:
Thlangamtertu a ra thlangamtertu a ra,
Thlarau thiang vancung in Pathian thukam bangin;
Mi umnak hmun kipah a Thuthangṭha thlengseh,
Thlangam tertu a ra...

V2:
Thimnak caan a cem ih tleunak caan a thleng ih,
Phannak umlo nomnak kan hnenah a thleng ih;
Sunlawi ni a thleng zo, harnak ni a liam zo,
Thlangam tertu a ra...

V3:
Bawi hmuahhmuah siangpahrang damnak a nei ka hrang,
Sualnak sung sal tangmi luatnak petu a si;
Vancung khua in sak mi nehnak hla aw a si,
Thlangam tertu a ra...

V4:
Dawtnak Pathian Bawipa kannih zangfah in ra,
Kumkhaw nung mi a si, kaa in sim theilo mi;
Leitlun sualnak ram ah kannih tleu ter dingah,
Thlangam tertu a ra...