Thinlung Mangbangin (Falam Pathian Thangṭhat Hla)

Key: C
Phuah: Lal Siam Thang

V1:
Thinlung mangbangin um hlah uh,
Pathian nan zum, kei i zum uh;
Nan hrang hmun remin kei ka feh ding,
Ka hnenah ka lo hruai ding a ti...

Cho:
Puanvar sinin kan leng tlang ding,
Nehtu ka Bawipa Jesuh leh;
Ka ṭhen hnu ka rual lungduh hawi tla’n,
In rak hmuak ding khi van sangin...

V2:
Kan umnak lei hi siat hmanseh,
Vanah inn nuam tak cu kan nei;
Kut sak lo catuan kan run inn cu,
Kan thleng cing ding khi van sangah...

V3:
Lei-ah retheiin um hman ning,
Duhdawttu dang neilo hman ning;
Bawmtu rinsan ding umlo hmanseh,
Ka ṭihlo ding Bawipa’n i hruai...

V4:
Vanah hla mawi an sak ka thei,
Ka ngai, ka ngai cui ram mawi cu;
Ka lei hringnun hi a cem tikah,
Ka feh thlang ding Bawipai' hnenah...