Thutak Lang Fiang Dingin (Falam Pathian Thangṭhat Hla)

Key: A
Phauh: Ṭha Nei Fai

V1:
Thutak lang fiang dingin donak suum a zing,
Fapa nun ni eng mawi-ah a kiang lehsal ṭheu;
Donak le sawiselnak lakih leng kan si,
Bawi Jesu’n a ban a phar,
Nehnak hla thar kan sak e...

Cho:
Thutak fa hmailam ah nor sin uhsi,
Zaam hlah uh Pathian kan lamah a ṭang;
Jeriko khaw kulhnak a cim zo,
Nehtu lakah nehtu sin kan si catuan Zion fa...

V2:
Puithiam Aron aiah Bawi Jesuh kan nei,
Hruaitu fel Moses ai ah in pe Thiangthlarau;
Hmun tiam Kanaan aiah Jerusalem thar,
Gilgal hmunah ṭan khuarin,
Kan do kan neh kan ral pawl...

V3:
Rom ralkapin an do an neh lo thutak,
Thihnak le thlanthim nehin a thosal Bawipa;
Pai vorhlamah toin a tuu rualin kil,
Ṭihphan ding a um nawnlo;
A kianghrol talhtum kan nei...