To Men A Rem Thiamlo (Falam Pathian Thangṭhat Hla)

Key: B
Phuah: Ṭial Uk

V1:
To men a rem thiamlo rawl ei,
Sung a pil thei hrim lo zanah;
Ih a nuam theilo ka lung sungah a cam,
Ka hmabak mi ṭuan ding hna le
Thisen leicia thlarau aihram;
Cu'i aw thawngin thinlung a kuai, simlo in ka um theilo...

Cho:
Ṭhian le rual nu le pa khalin,
Feh in fial hlah hman haisehla;
Ka sungah fialtu a nung thlarau ka nei,
Jesuh lawng ka cahnak a si;
Jesuh lawng ka nehnak a si,
Thlarau hlo mi pakhat tal hruai lo cun;
Ka thih a rem lo ding...

V2:
Ka hmuh mi fing le tlang kip le,
Ka theih mi aw thawng phunkip hi;
Bawipai' hnaṭuan fialtu an si ka hrangah,
Mi in an lu hlohin an ṭuan;
Kei ka sim ding Bawipai' hmaiah,
Ziang ka neilo a hnaṭuanih harsat ka tuar hi a si...

V3:
Maw Bawipa na hnaṭuannak ah,
Leitlun laksawng cu ka tumlo;
Biak ding tlak le zum ding tlak Bawipa na si,
Cinghnia lakih tuu fano bangih;
Na thlahmi na hna ṭuantu,
Na van mi thianghlimin in kil ruangah ka himnak a si...