Habakkuk Ṭingṭang lyrics (Falam Christian Hla)

Download mp3

Phuah: Rev. Thomas Ṭial Uk
Sak : Van Nei Man

V1:
Maw ka Bawi Jesuh misualbik na fa,
In duhdawtnak hi ka ruahah,
Na hnenah lungawinak sim ding leiba,
Tampi ka nei Bawipa;
Ziang thil ka ton hmanah,
Vuivai ngam ka si lo e, ka Bawi Jesuh,
Na duhdawt mi fa hrang thil ṭha lo,
Khawkhang lo tu na si ...

Cho:
Shadrak, Meshak, Abenago,
Judah tlangval pathum pawl cu,
Thihnak meipi ṭihnung sungah,
Na hmel na hmuhter bang;
Harnak meipi le ṭihnung lakah,
Na hmel duhnung na langter ṭheu,
Cuiruangah Bawipa harnak khal hi,
Na hmelhmuhnak an si ...

V2:
Zumtlak salṭha keneh thlun a har,
A caan ah ṭahnak horkuam le,
A caan ah thangsiatnak le mualphonak,
Tlang-par kai caan a tam;
Duhdawttu Jesui' remruat a si,
Nuntam kan neih theinak dingah,
Khurthuuk le tlangsang khalah Bawipa,
Na hmel mawi in hmuhter ...

V3:
Tisa mi cu thangṭhat lomnak le,
Hawlnak an ton caan lawngah khin,
Cung Pathian hnenah lungawithu an sim,
Thangṭhat hla an sak e;
Thlarau mi cun ṭahnak le tuarnak,
Sun zatlak an ton caan khalah,
Ka Bawipai' remruat a si tiin,
Lungawithu an sim e ...

V4:
Zumtui' nun cu Grap sawrnak khur,
Sungah kan thlen caan lawngah khin,
Rialtu pawl hmangin sunglam thlumnak,
A suak i a lang ṭheu;
A tu ah cun vanlam lungawi le,
Lei lungawi thleidan ka thiam zo,
Habakkuk ṭingṭang aw mawi tumzia,
In thiamter maw Bawipa ...

Directions:
Intro+V1+Cho +V2+V3+Cho+Music+V4+Cho
Cho (key-up)+End