Bawipa A Ṭihzahtu Pawl Cu (Falam Pathian Thangṭhat Hla)

Key: D
Phuah: Lal Eng Lian

V1:
Bawipa a ṭihzahtu pawl cu,
Mi lungawi, tha nuam an si;
A thupekmi vekih a nungtu pawl cu,
Hnaṭuan man cu khawpkhamte in;
An ngah ding Bawipa'n a ti,
Mi lungawi le mi neinung khal;
An si ding Bawipa’n a ti...

Cho:
Na thainu cu na inn sang ah,
Sabit kung rahduh mi bang;
Rahṭha suah in Khrih hmel mawinak a lang ter,
Na hrin hniang pawl cu lungrual ten;
Na ruun inn cei mawitu le,
Na cabuai kiangih Olive kungvek an si...

V2:
Bawipai' thu a ngaitu pawl cu,
Hi bang tuk ih thlawsuahnak;
Cotu ansi cunghlum mang Bawi in a ti,
Bawipa in Zion tlang ih sin;
Thlawsuahnak phunkim a pe,
Hi leitlunah nun khawnuam le;
Sansau ih nung tu an si...

V3:
Bawipai' thu a theitu ram le,
Miphun le in sungsang cu;
Bawipai' thlawsuahnak phunkimin a thlun ṭheu,
Amah sunlawihnak pe tu le;
A dan ngaina tu pawl cu,
A tikcu caan a kim tikah;
Sunlawihnak Bawipa’n a pe...