Ram Le Hnam Duhdawttu (Falam Pathian Thangṭhat Hla)

Key: D

V1:
Ram le hnam duhdawttu kan pipu pawl,
Siar cawklo in mual in liamsan hmanseh;
An ro sunglawi nunphung le aanka mawite tla cu,
Cemni a neilo a tu kan san tiangin...

Cho:
San thar vangah nunphung hi dang hmanseh,
Rallo ding hnam nun cawitu kan aanka;
Hlohral kan sianglo kan nun mawi le duhtin relnak hi,
Kumkhaw tlaitluan kan sunparnak dingah...

V2:
Kum ni le thla caan hi liamsin hmanseh,
A dang cuang lo khuanui’ ruat anka cu;
Kan cung tlunah parsuangin zalam sialtu si hramseh,
Ram le hnam fimthiam karhzai sinnak dingah...

V3:
Tum hlah-law mi hlawnsang aanka hman cu,
Hngilh sianglo te’n kan suahsempi te tla;
A sunglawi mi kan hrang khuanui’ thlawsuah malsawm
ciami,
Humhual law simrel phuannak si hramseh...

V4:
Duhdawttui’ pek cia vekin kan rel nan,
Zahpi lo ding aanka dang lakah hin;
Cung thlapa bangin mi tin lungthin ṭhawngtu dingah,
Cung Pathian in malza sawm hram sinseh...